DILI – Governu liu husi Sekretario Estadu Juventude no Desportu (SEJD) Abrão Saldanha lansa fatuk dahuluk ba konstrusaun kampu multifunsaun de jogu desportivas iha aldeia Temporal Suku Lahane Oreintal postu Administartivu Nain Feto.
Kompania ne’ebé mak manan hodi lidera kampo multifunsaun refere mai husi kompania UKA II Unipesoal Lda ho orsamentu montate hamutuk $ 204,254,98.
Kampu multifunsaun ne’e ho tipu oin tolu mak hanesan Fútsal, Basket Boll no Volibol, enkuantu projetu ne’e hahu iha fulan Outubro 2021 no termina iha loron 12 fula Abril 2022 ho durasaun fulan nen (6).
Tuir Abrão katak, projetu ida ne’e hau koalia ona ho autoridade sira iha sucu Lahane Oreintal ne’e tanbá inisia husi komunidade no juventude sira nian.
Tanbá ne’e joven sira liu-liu iha aldeia ida ne’e senti katak preukupa ho esapasu ida atu halibur sira, ikus mai governu responde duni sira nia preukupasaun.
“Ami hare Lahane ne’e iha kampu rua,maibé kampu ida bo’ot, tanbá ne’e governu bele hari fali kampu multifunsaun ida hodi tebe bola salaun,volybol no Basketboll” relata Abrao ba jornalista iha Taibesi sesta (22/10).
Nia afirma, kampu ne’e laos deit ba tebe bola maibé kumunidade sira bele uza wainhira selebra loron bo’ot ruma la periza buka fatin seluk.
Ita ohin mai halo lansamentu premeru pedra tuir kontra ne’ebé mak governu halo kompania UKA II Unipesoal Lda iha fulan nen (6) nia laran, maibé fulan nen nia laran atu hotu depende ba fator rua hanesan kolabora kominidade nian rasik no Xefe Suku sira atu ajuda aselera projetu ne’e to remata.
Iha fatin hanesan engeñeiru kompaña UKA II Unip. Lda. Celestino de Jesus hateten, ami promete ba kumunidade sira no ba governu katak servisu ida ne’e sei remata tuir kontratu ne’ebé mak iha ona.
Konaba kualidade jatamentu iha kualidade, tanbá husi ami nia servisu sei lao hamutuk ho tekniku governu nian atu nune’e bele hare servisu ne’e to remata.
Celestino haklaken, kompania sei halo rekrutamentu ba traballador sira tuir eskalaun servisu nian hodi garantia kualidade ba obra refere.
About Post Author
