DILI – Jogador Angelito Oliveira lori klubu ne’ebé mak reprezenta munisipiu Manufahi tenki fahe pontos 1-1 kontra nia adversario Lica-Lica Lemorai FC iha jogu da daruak segundu divizaun grupu B Liga Fútebol Timor Leste (LFTL) ne’ebé hala’o iha estadiun munisipal Dili (21/10).
Golu ne’ebé mak marka husi jogador Lica Lica lemorai Manuel do Carmo iha minutu 43, hafoin hetan asistenti husi jogador Elder Kiko liu husi bola kruza parte eskerda hodi hatur eskor ba 1-0.
Enkuantu Kablake fc responde golu iha menutu 75 segunda parte husi jogador Angelito Oliveira, wainhira jogador refere aproveita bola baralla hodi fura rede Lica-Lica lemorai Luis Maubere hodi hasai eskor ba 1-1 to jogu termina.
Ho rezultadu ne’e lori Lica-Lica Lemorai hetan pontos 2 husi dala rua, enkuantu Kablake fc hetan pontos ida husi jogu dala rua lakon ida no impata ida.
Treinadór Lica-Lica Fc Nelson Soares hateten, jogu primeira parte sira domina bola, maibé depois hakat ba segunda parte sira falla iha liña balun hodi ladomina bola, nune’e ekipa adversáriu aproveita produz golu hodi halo impata 1-1.
Ida ne’e mak ami nia fallansu, tanba ne’e iha jogu tuir mai sei hadia iha parte balun.
Nune’e mós treinadór Kablaki Fc João Fernandes reforsa katak, iha jogu jornada dahuluk kontra Santa Cruz Fc sira falla iha liña klaran, maibé depois nia parte hadia, nune’e jogu jornada daruak kontra Lica-Lica Fc hatudu iha mudansa.
“Jogu ida ohin ne’e ami optimista katak lalakon iha jogu refere, tanba parte defeza di’ak, maibé finishing mak sei menus”.
Lika-Lika Lemorai FC vs Kablaki FC
About Post Author
