Dili-Jogu entre ekipa rua iha Stadium Munisipal Dili, Domingu (24/10) iha oras tuku 04:00 tl, loraik ne’e, Fitun Estudante Fc iha jogu primeira parte fura uluk rede Acádemica Fc nian, maibé hafoin jogu segunda parte vitória monu ba Acádemica Fc ho skor 3-1.
Fitun Estudante nia derota ne’e, hanesan oferta provizoria ida ba Acádemica Fc hodi sai hanesan primeira ekipa ne’ebé okupa iha tabela klasifikasaun 2 divizaun grupu A Liga Futeból Timor Leste (LFTL) époka tinan ne’e.
Tanba ne’e Acádemica tenki hetan pontus 6 hanesan ho Portu Taibesi Fc ho pontus 6.
Antes ne’e FC Portu Taibesi mak sei okupa provizoriu iha grupu A, ho pontus 6 tanba manan iha jogu 2 kontra Zebra Fc no AS-Marca, nune’e sura hatama golu +2.
Maibé Acádemica tenki okupa provizoriu fila-fali, tanba ho pontus 6, no manan jogu rua no sura golu +3. Tanba ne’e provizoriumente lidera iha grupu A hafoin halakon Fitun Estudante iha jogu jornada daruak nian.
Jogu entre ekipa rua, iha primeira parte tun ho bola áas, hodi halo kontra atake ba malu, maibé la iha ida mak atu responde golu, tanba liña defensivu ekipa rua tenta hasai bola ba kampu liur.
Maske nune’e, ekipa rua ho ritmu jogu kontinua manas hanesan atu mantein ida-idak nia ekipa to’o minutu 45 nia remata.
Depois de hakat ba extra time 2 minutu, ekipa Fitun Estudante (Fiel) Hilario Ximenes aproveita bola hodi fura uluk rede Acádemica Fc nian iha minutu “45+1” hodi muda skor 1-0 to’o jogu primeira parte termina.
Hafoin iha jogu segunda parte, guarda rede Fitun Estudante nian kontra sala regras jogu nian, nune’e árbitro deside hodi hakat ba suta iha liña penalidade liur, maibé ezekutadór Académica la aproveita ho diak hodi suta bola as kona de’it iha rin baliza.
Maske Académica lakon oportunidade ne’e, sira nafatin kontra atake atu asegura sira nia ekipa husi derota ne’e.
Hafoin iha minutu “53” nia laran, Académica responde hikas golu ida liu husi jogadór Jose Gaio hodi muda skor 1-1.
Golu refere la dura kleur, tanba Académica responde tan golu rua iha minutu “65 liu husi jogadór Pascoal Fernandes no Alexandre da Cruz iha minutu “78” hodi muda skor 3-1.
To’o segundu parte remata vitória ba Académica ho rejultadu 3-1 ba Fitun Estudante.
Ho vitória ne’e, treinadór Acádemica Fc, Luisinho dos Santos hateten, iha jogu segunda parte sira falla, maibé depois de jogu segunda parte halo mudansa iha jogu, nune’e konsege realiza golu.
Ami halo mudansa iha formatu jogu 4-2-3-1, signifika joga husi klaran mak sa’e. Esplika treinadór ne’e.
Nia promete, ba oin sei prepara liu tan hodi hasoru Portu Taibesi FC. Aliem ne’e mós kapitaun Fitun Estudante FC, Bernardino Baz rekoñese, derota ne’e tanba falla iha liña defeza.
About Post Author
 Hilario Ximenes aproveita bola hodi fura uluk rede Acádemica Fc nian iha minutu “45+1” hodi muda skor 1-0 to’o jogu primeira parte termina.){kind=link}