Lautem – Governu liu husi Sekretario Estadu Juventude no Desportu (SEJD) Abrão Saldanha loke abertura ba jogu juvenil iha munisipiu Lautem mak hanesan ekipa sub 16, sub 12 no ekipa Festival.
Klubu ne’ebé mak partisipa iha jogu refere hamutuk 32, no klubu 20 mai husi sub 16, klubu 6 husi sub 12 no klubu husi Festival hamutuk 6.
Tuir nia katak, ohin abertura ba jogu juvenil iha munisipiu Lautem, tanbá sira hetan apoiu husi SEJD ho orsamentu $20 ita mil ba sentru juvenil iha Timor laran tomak no kada munisipiu ida hetan $35.00 mil.
“Programa ida agora ne’e governu sei kontinua habot liu tan ba futuru hakarak kobre munisipiu hotu hodi nune’e bele rekruta jogador sira ho idade husi tinan 6 to’o ba iha tinan 16 atu prepara ba treinamentu iha sentru Juvenil” dehan Abrão ba jornalista iha postu administrativu Lospalos domingu (24/10).
Nia reforsa katak, Governu mos sei lapara deit iha ne’e, maibé ami sei deskuti ho governu Korea atu perpara dormetoriu iha Dili hodi nune’e bele jogador ne’ebé selesionadu iha munisipiu sira atu bele hatama iha dormetoriu.
Programa dormetoriu ba jogador juvenil sira ne’e, governu Korea sei haruka nia ekipa ida mai iha fulan Dezenbru tinan ne’e atu halo dezeñu no iha tinan 2022 bele hahu ona konstrusaun ba dormetoriu.
Entretantu Kordenador Sentru Juvenil Munispiu Lautem Bento Soares da Consencão afirma, eventu ida ne’e hetan orientasaun husi prezidente Centre Juvenil Timor Leste hodi organiza jogu ba jogador juvenil sira.
“Konaba orsamentu ne’ebé mak husi CJTL apoiu ba eventu ne’e hamutuk $35 mil no orsamentu refere seidauk suficiente, maibé ami kontente bele organiza jogu.”
Eventu ida ne’e foin primeira vez realiza iha munisipiu Lautem, tanbá durante hau lidera sentru juvenil husi 2009 to agora foin mak realiza eventu ida hanesan ne’e.
Enkuantu jogu Juvenil ne’e sei remata iha loron 7 fulan Novembru no mos komisaun organizadora sei prepara tasa no osan ba primeiru lugar, segundu lugar no treseru lugar.
Sorin seluk prezidente Sentru Juvinil Timor Leste Gregorio Correa hateten, jogu ne’e hahu horseik abertura iha munisipiu Baucau hau dehan tiha ona katak jogu juvenil ne’e ba deit sub 12, sub 14, festival no sub 16 hodi tuir munisipiu ida-idak.
Tanbá estratejia ne’e mai husi SEJTL, maibé sira dehan ami kontenti liu tanbá SEJTL apoiu osan oituan liu husi sentru halo jogu ne’e no mos primeira vez iha munispiu Lautem.
“Maske orsamentu la sufisienti ba sentru Juvinil atu realiza jogu, maibé ita nia situasaun mak hanesan ne’e hakarak lakoi tenki realiza duni, tanbá orsamentu mai husi ita nia governu liu husi SEJD”
About Post Author
