Dili – Ekipa Santa Cruz Fc susesu rekolla pontu (3) husi ekipa adveráriu Kablaki Fc ho skor 3-1 iha jogu jornáda dahuluk grupu B Liga Futeból Timor Leste (LFTL) segunda divizaun époka 2021, ne’ebé hala’o iha Stadium Munisipal Dili, Kuarta (13/10).
Iha jogu primeira parte, ekipa rua tun ho tátiku jogu hanesan, tuir ritmu jogu husi bola husi ain ba ain hodi fó presaun ba malu.
Maibé iha minutu “38”, guarda rede Santa Cruz, Marcio das Dores komete eru iha lina penalidade kotuk halo arbitu Francisco Perreira foti dezisaun ba sota falta.maibé jogador Olegario Fernandes nia sota sei salva husi deveza Santa Cruz
Ho ameasadu ne’ebé mak iha halo Santa Cruz esforsu liu tan hodi halo kontra atake ba ekipa advesáriu hodi fó ameasa ba guarda rede Kablaki nian, liu husi jogadór Emeliano Soares, bainhira simu bola kruza husi nia belun Elroy Bras husi parte liman karuk nian.
Jogu entre ekipa rua manas liu tan, maibé la iha ida mak atu hatama golu, tanba defeza ekipa rua mantein lina metin.
Ho nune’e, obrigadu treinador Kablaki Fc João Fernandes tenki troka nia defeza Januario Fernandes, ne’ebé hetan subtitui husi Frazão Lopes, tanba Guarda rede Bablo de Jesus tenki salva bola barak liu, ne’ebé ameasa husi ekipa adversáriu.
Maske troka jogadór ho liña defeza ne’e maibé la dura kleur, tanba liu de’it minutu balun, Santa Cruz tenki les rede Kablaki nian, liu husi jogadór Emiliando Soares ho númeru kamizola 11 iha minutu “38” hodi hatur skor 1-0.
Maibé rejultadu ne’e la dura kleur, tanba iha minutu “43” Kablaki Fc tenki reponde hikas golu, liu husi bola sutu kantu husi Angelito Oliveira ho bola ulun tama ba rede Santa Crus nian hodi muda skor 1-1 to’o jogu primeira parte termina.
Hakat ba segundu parte, ekipa rua kontinua halo presaun ba malu, maibe liu de’it iha minutu “52” Santa Cruz tenki fura tan rede Kablaki nian, liu husi jogadór Alexandre Corsino hodi muda skor 2-1.
Skor refere halo treinadór Kablaki Fc tenki hatun hotu nia jogadór sira, hodi tenta atu muda skor ne’e, maibe lina defeza Santa Cruz nian la fó fatin atu sira tama.
Nune’e iha minutu “78” Santa Krus Liborio Geronimo hatama tan golu ida liu husi bola penalidade ne’ebé jogadór Kablaki nian halo sala, nune’e hodi hatur skor 3-1 to’o segunda parte remata. (desportu.xyz).
About Post Author
