Ohin kalan, oras tuku 7, klube futeból 20 ne’ebé mahon iha órgaun liga futeból rai laran no Federasaun Futeból Timor-Leste dada rifa hodi kompete iha kopa FFTL 2020.
Adjuntu Sekretáriu Jerál Federasaun Futeból Timor-Leste (FFTL), Frederico Martin relata, Semana ne’e FFTL hahú halo ona verifikasaun ba dokumentu husi Klube hamutuk 20 ne’e. tuir kalendáriu sei hala’o iha loron 20 fulan-Agostu 2020.
“Agora iha ona faze verifikasaun,” tenik Frederiku.
Kopa FFTL ne’e sei loke iha Estádiu Munisipál Dili, maibé oitavu finál sei hala’o iha Estádiu Café Gleno Munisípiu Ermera.
“Jogu hala’o abertura iha Estádiu Dili maibé klube ne’ebé atu joga uluk ita sei dada rifa foin bele hatene. Kona-ba kondisaun Estádiu ami ba haree ona di’ak hotu hein para hala’o jogu de’it,” tenik tan.
Kopa FFTL ne’e hala’o ho orsamentu hamutuk rihun $ 200 ne’ebé apoiu husi Federasaun no asosiasaun futeból Internasionál (FIFA).
Nia esplika klube sira ne’ebé maka hetan vitória iha eventu ne’e ho klasifikasaun dahuluk sei simu osan $ 15.000, daruak simu osan $ 10.000, datoluk $ 7.500 no ikus liu sei simu $ 2.500. (www.desportu.xyz)
Klube Partisipante
About Post Author
