DILI – Sekretario Jeral Federasaun Fútebol Timor Leste Nelio Izac Sarmentu hateten, FFTL nia pensamentu katak, subsidiu ne’ebé mak federasaun fó ne’e laos sai hanesan buat ida permanente, tanbá federasaun hakarak klubu sira mos tenki buka lukru no labele depende liu ba subsidiu, sei wainhira subsidiu laiha klubu sira bele mate.
“Uluk hari Liga Fútebol Amadora (LFA) ita bolu ema sira mai sei hakarak hari klubu depois hetan subsidiu husi governu, maibé ba FFTL nia pensamentu katak, subsidiu ne’ebé mak ita fo ne’e la’os sai hanesan permanente, tanbá subsidiu ne’e la garante sustentabilidade klubu sira nian atu moris” relata Nelio ba Desportu.xyz iha Bairu Grilos Segunda (06/09).
Nia dehan, se ita fo subsidiu nafatin segnifika katak, loron ida kuandu subsidiu laiha klubu sira bele mate, ho situasaun ida ne’e mak FFTL nia hanoin katak dezenvolve futebol ne’e hahu kedas husi tinan ki’ik oan hodi konserta liu ba Asosiasaun futebol sira.
Tanbá ne’e mak FFTL iha hanoin ida atu lori klubu sira ne’ebé mak laiha kondisaun atu ba hamutuk ho Asosiasaun sira atu kria klubu ne’ebé forte hodi partisipa iha kompetisaun.
“Iha Asosiasaun sira ne’e, tanbá hetan apoiu finansiamentu husi FFTL kada tinan ho apoiu sira ne’e survey fali klubu ne’ebé laiha kondisaun diak liu ba hamutuk ho Asosiasaun sira bele kria klubu ne’ebé forte hodi bele partisipa iha kompetitisaun” informa Nelio.
Nia haktuir, klubu sira ne’e agora iha hela menbru Liga Fútebol Timor Leste (LFTL), agora FFTL ho governu iha intendementu diak katak oinsa mak ita atu hamutuk bele finansia liga ne’e tenki lao, tanbá uluk governu mak fo subsidiu ba klubu sira, maibé tinan ne’e subsidu FFTL mak tau matan hodi konkorda hakarak liga ne’a atu lao.
Maibé agora klubu sira lakoi entende diak, FFTL laiha dalan seluk atu fo komentariu, se kuandu FFTL fo komentariu katak finansial buat hotu liga nian ne’e klubu hotu tenki hakruk hotu mai FFTL, maibé hakruk laos signifika atu hakneak maibé tuir ba regras ne’ebé mak federasaun atu estabelese liga ida.
Enkuantu foin lalais ne’e klubu husi primeiru divizaun no segundu divizaun hato’o karta proposta ida hodi Sekretario Estadu Juventude no Desportu (SEJD) no FFTL atu altera tia subsidiu anterior husi $20 mil mud aba $ 40 mil no segundu divizaun $ 10 ba $30 mil, maibé husi parte rua seidauk iha solusaun no mantein nafatin ba subsidiu anterior.
About Post Author
