DILI – Oragaun Liga Fútebol Timor Leste (LFTL) iha loron 09 fulan Setembru simu karta rejignasaun ofisial ida husi klubu Boavista fc Timor hodi la partisipa iha jogu tinan ne’e no sei taka permanente klubu ho razaun tanbá liga ho finanseiru klubu nian.
Fo hanoin deit katak, Klubu Boavista fc ho naran istimadu Pantera Negras ne’e lidera husi Jose Ramos Horta hanesan Prezidente klubu Boavista ne’ebé mak harii iha 2018, hafoin muda naran husi klubu Carsae nakfila ba Boavista FC Timor.
Iha 2018 muda husi Carsae ba Boavista, klubu refere konsege kompete ho brillante hodi konkista trofeu ba kampiaun Liga Fútebol Amadora (LFA) no super taca iha momentu nebá.
Tinan ida ne’e klubu Boavista fc Timor anunsia iha sira nia pajina ofisial Facebook Boavista nian iha loron 7 fulan Setembru 2021, hodi husu ba familia no adeptos Boavista (Boavisteiros) sira hotu iha Timor laran tomak klubu deside ona sei la partisipa iha Liga Fútebol Timor Leste ba tinan ne’e no sei taka permanente klubu ho razaun finanseru.
Hatan ba kestaun ne’e Deritor verifikasaun Lisensa LFTL Jose Carvalho hateten, ohin liga simu karta rejignasaun official ida ho nia konteudu katak Boavista sei la partesipa jogu hotu ne’ebé sei hala’o iha liga ho razaun iha karta laran ne’e hatete katak, klubu laiha ona finansiamentu.
“Ami simu ona karta ne’e no sei haruka fali ba prezidenti LFTL hodi tur hamutuk fali iha sabadu semana ne’e atu hare fila fali ba situasaun klubu sira nian no mos situasaun jeral liga nian”
Nia dehan, sei karik mak liga lao iha tinan ne’e mak klubu Boavista husu atu dada fali karta rezignasaun ne’e, hau hanoin liga mos iha estatu no regulamentu ida hodi regula ba asuntu refere.
About Post Author
[…] Leste (LFTL) atu bolu klubu Boavista FC Timor hodi tur hamutuk atu buka solusaun relasiona ho nia rezignasaun husi Liga, tanbá klubu mak hamoris Fútebol, klubu laiha futebol sei […]
Comments are closed.