DILI – Trenador ekipa selesaun Nasional Sub 23 Fábio Magrão demite ona jogador Gelvanio Alberto ho naran estimadu Abati husi ekipa nasional, tanbá jogador refere kontra regulamentu husi Federasaun Fútebol Timor Leste (FFTL) nian hodi partisipa fali jogu Fútsal.
Adjuntu Sekretariu Jeral FFTL Frederico Martins hatete, desizaun ne’ebé mak demite jogador Gelvanio Alberto husi ekipa selesaun nasional laos mai husi FFTL, maibé desizaun refere husi ekipa tekniku no treinador.
“Informasaun ne’ebé mak ami hetan husi ekipa tekniku ho treinador Fabio katak, jogador Gelvanio nia kondisaun fiziku monu tanbá halo fali atividade seluk iha jogu Fútsal” relata Frederico ba Desportu.xyz iha Bairu Grilos kinta (09/09).
Nia informa, iha regulamentu ekipa selesaun nasional kuandu jogador ne’ebé mak konserta ona iha selesaun sei la halo atividade seluk hanesan jogu futsal, ne’e regulamentu FFTL nia bandu, maibé autoriza deit ba treinu iha sira nia klubu.
FFTL nia konsertasaun la’os eduka ema sai jogador deit, maibé eduka ema hodi sai iha responsablidade hanesan ema humana ida, tanbá ne’e mak desizaun ne’ebé mak ekipa tekniku foti ne’e FFTL tenki obedese.
“Seidauk tama Konfinamentu Obrgatori jeral jogador Gelvanio ekipa tekniku hasai ona nia naran iha lista, maibé la’os ba deit jogador refere no sei ba hotu, jogador selesaun nasional sira ne’ebé mak oras ne’e hela iha Otel mak kontra regras FFTL nian mak kosekuensia hasai naran husi lista”
Antes ne’e treinador estranjeiru husi Brazil Fabio Magrão hasai ona Jogador nain rua husi lista selesaun nasional hanesan Edit Savio no Osvaldo, tanbá jogador refere la desplina no la tuir regulamentu ne’ebé mak FFTL hatur ona.
About Post Author
