DILI – Jogador Nataniel De Jesus hatete, hau muda ba Karketu fc tanbá kontratu ho klubu Lalenok United nia durasaun fulan 10 no sei termina iha fulan Outubro 2021, laos iha fulan Dezembro.
“Hau asina kontratu ho klubu Lalenok United iha fulan Dezembro 2020, maibé asina iha kontratu ne’e ho durasaun fulan 10 no sei termina iha fulan Otubro laos fulan Dezembro, tanbá ne’e hau hakarak muda fali ba klubu Karketu fc” relata Nataniel ba desportu.xyz liu husi via Whatsapp Knta (30/09).
Nia dehan, antes deside muda ba klubu seluk, hau respeitu halo karta ida lori ba klubu Lalenok United, maibé estrutura klubu lakohi simu hau nia karta.
Maibé hau konfirma ona ho parte Federasaun Fútebol Timor Leste (FFTL) no Liga Fútebol Timor Leste (LFTL) katak hau hakarak muda ba klubu seluk.
“Durante hau asina kontratu fulan 10 ho klubu Lalenok United sira fo orsamentu hamutuk $600 dolar no liu husi ne’e salariu la lao, maibé orsamentu refere hau pronto fo fila fali ba klubu”
Eis kapitaun Boavista haklaken, hau asina kontratu ho klubu Karketu fc ho nia durasaun tinan ida ba jogu Liga Fútebol Timor Leste epoka 2021.
Entartantu Jogador Nataniel de Jesus ho naran estimadu Arnol hahu involve a’an hamutuk ho klubu Carsae iha 2015 hodi lori klubu Carsae kualifka tama primeiru divizaun to’o 2017.
Hahu iha 2018 Carsae nakfilak ba Boavista, Nataniel lori Boavista fc Timor konsege foti titlu kampiaun Liga Fútebol Amadora (LFA) momentu ne’eba to husik Boavista iha 2020 hodi hamutuk ho Lalenok United.
Ikus mai jogador Nataniel deside husik Lalenok United hodi asina fali kontratu tinan ida ho klubu Karketu Matak Malirin iha epoka 2021, maske jogador Nataniel nia naran Lalenok United lori ona ba resistu iha LFTL.
About Post Author
