DILI – Mellor markador Copa FFTL Mozinho da Lima iha ambisaun bo’ot hakarak foti taca 12 Novembro 2020 hodi hapara istoria ne’ebé Ad SLB faila dala tolu kontra Lalenok United.
Jogu ekipa Ad SLB Laulara ho Lalenok United iha jogu taca 12 Novembro 2020 hanesan jogu interesante ba Makikit Laulara atu hanoin hikas fali todan ne’ebé mak Lalenok halakon dala tolu tuir-tuir malu iha jogu final hanesan Super Taça no Copa FFTL.
Tuir Mozinho katak jogu final iha taca 12 Novembo 2020 hakarak lakoi Ad SLB tenki hetan vitoria kontra Lalenok United.
“Hau iha ambisaun bo’ot hakarak sai kampiaun ba taca 12 novembro tinan ne’e tanba SLB lakoi derota ba dala ha’at ho Lalenok United” promote Mozinho ba jornalista Desportu.XYZ iha Kampu Demokrasia Kinta (10/12).
Nia relata kona-ba kondisaun nia rekupera ona no pronto joga kontra Lalenok iha jogu final ne’ebé mak sei hala’o iha Sabadu (12/12).
“Maibe depende fali ba treinadór Kim Shin Hwan atu hau hatun ka lae, hanesan jogador individual prontu joga”, dehan nia.
Mozinho haktuir jogu kontra Lalenok ba dala ha’at laiha “beban” ida ba SLB, maibe ami sei joga ho seriedade no fiar malu iha jou final.
Iha fatin hanesan kapitaun ekipa Ad SLB Nidio Alves informa katak SLB nia derota dala tolu ho Lalenok United iha final hanesan motivasaun ida.
Tan ne’e iha jogu final kontra Lalenok iha taca 12 Novembro ami sei hatudu jogu oin-seluk la hanesan ho jogu tolu liu ona tanba SLB mai ho ambisaun hakarak sai kampiaun, kontinua nia.
Fó hanoin ba adeptos husi ekipa rua nian keta haluha asiste jogu final taca 12 Novembro entre Ad SLB Lalaura kontra Lalenok United iha estadiun munisipal Dili Sabadu (12/12) ) Ors 16:00. (Eug).
About Post Author
