Dili – Trenador DIT FC Mial Armando hatete ekipa DIT nia performa iha Tasa 12 Novembro deferenti ho Kopa Federasaun Futebol Timor Leste (FFTL) hafoin halakon Karketu 3-0.
Tuir Mial katak Karketu nia performa jogu kontra DIT FC iha Tasa 12 Novembro tun tamba sira nia jogu laiha presaun makas hodi fo livre ba ami hetan golu rua tui-tuir malu.
“DIT halo mudansa jogu iha Tasa 12 Novembro diak liu kompara ho Kopa FFTL foin liu ba” haktuir Mial ba jornalista iha estadiun munisipal Dili Kuarta (18/11).
Nia dehan iha Kopa FFTL Jose Santos “Ano” avansadu murni maibe Tasa 12 Novembro kontra Karketu muda fali Jose Santos ba mediu, avansadu fo ba Dino Amaral no Joanico Bragansa.
“Hau hanesan treinador gosta jogador labarik sira DIT tanba hatudu jogu fasil no fò presaun makas kontra Karektu ne’ebé mak ekipa ida forte iha Kopa FFTL no Liga. (Eug)
About Post Author
