Desportu.Xyz- Karketu Dili Fc, ho naran estimadu “Matak Malirin” provizóriu hakat hikas ba zona normal ho pontu 3, hafoin halakon As Ponta Leste ho scor 2-1, iha jogu kontinuasaun datoluk Liga Timorense ba primeira divizaun époka 2022-2023.
Enkuantu As Ponta Leste ameasa tun hikas ba zona mean, tanba iha jogu tolu, foin rekolla pontu 1.
Iha jogu kontinuasaun datoluk Liga Timorense ne’e, entre “Matal Malirin” kontra As Ponta Lesta, ne’ebé hala’o iha estadium Munisípal Dili, Sábadu (10/03) ne’e, foin iha primeira parte ekipa rua hala’o jogu ho atrativu no dramatiku tebes.
Iha jogu ne’e ekipa rua hatudu sira nia ambisaun hakarak lidera uluk golu ruma, liu husi halo kontra atake malu.
Foin hakat ba minutu “24”, As Ponta Leste konsege lidera score 1-0, liu husi jogadór Expedito da Conceição (10), ne’ebé fura rede Matak Malirin nian, hafoin aproveita bola barullu iha área grandeal laran.
Maske ekipa Matak Malirin sofre golu dahuluk, maibé espíritu jogadór sira nian mantein ho di’ak, hodi kontinu hatudu hasa’e ritmu jogu kontra atake ba nia adversáriu.
Nune’e hakat ba iha minutu “34”, Matak Malirin konsege responde golu, hodi muda score hanesan 1-1, liu husi asaun Maurício Conzales (11) ne’ebé lansa sutu bola ain, hafoin aproveita akontese bola barullu iha area grandeal laran, As Ponta Leste nian.
Jogu anima tebes, tanba ekipa rua kontinu halo atake ba malu, hodi halo adeptu sira iha tribun estadium nian, antuziasmu ho haklalak fó apoiu ba ida-idak nia ekipa atu aumenta tan golu ruma.
Maibé, sorte monu ba Matak Malirin nia jogadór Augusto da Costa (80), ne’ebé fura tan rede As Ponta Leste, iha minutu “34”, hafoin aproveita bola husi defeza As Ponta Leste la konsege antisipa bola liu husi sorin karuk.
Nune’e, to’o jogu primeira parte deskansa, score ba Matak Malirin 2-1.
Kontinu ba jogu segundu parte, intensidade jogu kontinua manas, tanba As Ponta Leste hakarak halo impata no manan, enkuantu Matak Malirin mós lakohi lakon hodi kontinua halo kontra atake ba malu atu bele produs tan golu ruma.
Ekipa As Ponta Leste halo mós subtituisaun ba nia jogadór no kontinua halo presaun, no tenta lansa bola tama area grandeal laran, maibé guada rede Matak Malirin nian sei salva bola ho di’ak.
No ekipa Karketu Dili Fc, ho naran estimadu “Matak Malirin” ne’e, hatudu mós sira nia tatiku jogu no tenta atu aumenta tan golu ruma, maibé la iha bola ne’ebé livre ba sira.
Tanba ne’e to’o jogu segundu parte termina, vitória ba Matak Malirin ho score 2-0. Vidal Amaral.
About Post Author
