Dili-(Desportu XYZ) Prezidenti Aitana Fc Abel Xavier “Niki” hateten jogador sira atu sai di’ak tenki hadia Arbitrazen atu nune’e jogu iha ita nia rai la’o ho di’ak.
Prezidenti Aitana Fc kasu lia hirak ne’e bá jornalista sira,hafoin remata jogu entre Assalam Fc ho Aitana Fc ho eskor 2-2 iha liga Timorense epoka 2023 ne’ebé mak hala’o iha estadiun munisipal Dili sesta (10/03)
“Jogu ohin ne’e resultadu bá ekipa rua kapás los, maibé buat ne’ebé mak akontese iha kampu laran ne’e la’ós ita maka joga ne’e ita nian oan mak joga tanba ne’e ita simu resultadu”
Abel afirma,problema ida ohin ne’e la’ós problema, maibé ne’e failansu Arbitrazen hodi halo ha’u halo protesta tanba ne’e ohin ha’u ho prezidenti Assalam no ekipa teknik liga Timorense nian hadia ona atu nune’e ita nia jogador sira atu sai di’ak tenki hadia Arbitrazen.
“Ohin ha’u rona balun fó sai ona iha media katak,ha’u baku arbitrazen ne’e lalos tanba ohin ne’e laiha ema ida maka baku” nia afirma
Kuandu Arbitrazen halo lalos, prezidenti klube ho trenador nia serbisu tenki halo protesta tanba jogu ne’e osan la’ós halimar i klube bot ida no jogu nasionál.
Ho notesia ne’e públika, jornalista sira tenta atu halo konfirma ho deritor Arbitrazen, maibé seidauk bele fó komentáriu tanba okupa ho serbisu seluk.
Entertantu,ho resultadu 2-2 bá ekipa rua halo Assalam Fc rekoila ona vitória dala rua inpata ida ho Pontos 7, enkuan Aitana Fc Rekoila vitória ida, lakon ida no inpata ida ho Pontos 4.
About Post Author
