DILI (Desportu.xyz)-Klube Aitana FC marka istória tanba sira marka record iha Liga Timorense edisaun dahuluk époka 2022/2023. Iha jogu abertura sesta 17/02/2023 iha estádiu Munisipál Dili.
Aitana FC sai hanesan klubu dahuluk ne’ebé hetan vitória iha jogu dahuluk Liga Timorense, edisaun dahuluk 2022/2023, hafoin órgaun desportu nasionál ne’e transforma naran hosi Liga Futeból Amadora (LFA).
ogadór hosi Aitana FC maka kria golu dahuluk iha istória liga Timorense no mós golu hosi Aitana nu’udar golu lais liu, tanba akontese seidauk too minutu ida.
Istória ne’e pertense ba Jilson Dos Reis (Kamizola 10) aproveita bola falta liuhusi sutu bola livre les kedas baliza portu Taibessi ninian hodi muda rezultadu Aitana Fc lidera jogu 10 iha baihira jogu foin la’o segundu balun no ladauk to minutu ida.
segunda parte Ekipa adversáriu hosi FC Portu Taibesi konsege responde golu impatadu.
Maski sofre atake barak, Baliza husi Aitana la fó oportunidade hodi sira hatama tan golu, tanba ne’e sira halo kedas kontra atake ida ne’ebé mak lalais tebes iha minutu (88), liuhusi sira nia avansadu estranjeiru, Mamoudou Conde, hatama golu ida ba sira to’o jogu termina vitória ba Aitana Fc ho score 2-1.(TR)
About Post Author
