Dili-(Desportu XYZ) jogador avansadu Mamoudou Conde husi nasaun Gueni lori nia ekipa Aitana Fc Hamonu nia adversario Fc Portu Taibesi ho eskor 2-1 iha jogu abertura Liga Timorense Epoka 2022-2023 ba iha estadiun munisipal Dili sesta (17/02)
Hafoin kick off Aitana Fc hekis ona rede Fc Portu liu husi golu lais ne’ebé mak produs husi jogador Jilson dos Reis hodi hatur eskor bá 1-0.
Sofre ona golu ida, maibé la hamate jogador sira nia mentalidade jogu hodi halo kontra ataka bá area defensivu Aitana Fc hodi halo ameasa fila-fila bá rede Aitana liu husi sota kantu no sota livre, maibé bola rua mak konsege kona albun.
Iha menutu balun jogador Laziu Peidade ho Yohanes Yoko lansa sota livre bá bá rede Aitana Fc,maibé bola rua ne’e kona de’it besi rin leten.
Ho ameasa husi Portu Taibesi, Aitana Fc fila loke rede Fc Portu Taibesi nia rede liu husi Jilson dos Reis,maibé Arbitu anula golu refere tanba jogador Out Saida to’o jogu premera parte termina.
Kontinua bá parte, FC Portu Taibesi ne’ebé mak lidera husi Miru Valdo Bentu halo mudansa tatika jogu hodi subtitui jogador, ikus mai konsege responde golu ida ba rede Aitana Fc liu husi jogador Edencio da Costa iha minutu 54 hodi muda eskor bá 1-1.
Eskor 1-1 la hamate trenador José Fonseca nia mentalidade,tanba trenador refere uza halo mudansa jogu hodi uza estratéjia bola long ka A’as halo Fc Portu Taibesi tenki hasae kosar hodi salva sira nia rede.
Fc Portu nia jogu komesa monu, Aitana Fc uza opurtunidade hodi fora rede Fc Portu Taibesi liu husi jogador estranjeiru Mamoudou Conde iha minutu 88 hodi halo eskor 2-1.
Minutu ikus atu termina jogu, guarda rede Aitana Fc hetan kartaun mean tanba portesta hasoru Arbitu no jogador deveza Robertu mak sai hanesan guarda rede.
Laiha tan golu rua bá ekipa rua, ikus mai termina jogu, vitória bá Aitana Fc ukun ho eskor 2-1.
Rezultadu ne’e lori Aitana Fc rekoila ona Pontos tolu, enkuantu Portu Taibesi ho Pontos zero.
About Post Author
.){kind=link}