DILI-(Desportu XYZ) treinador As Ponta Leste Edy Fernandes garantia sei hetan vitória kontra nia adversario Akademika Fc ho eskor 1-0 no Treinador Akademia Fc Lousinho dos Santos Fó fiar bá nia jogador hodi asegura Pontos tolu.
“Bá Ponta Leste sempre garantia atu halakon Akademia fc tanba durante liga hahu Ponta Leste hetan vitória kontra Akademia dala tolu, inpata ida no lakon dala ida” promete Treinador Ponta Leste bá jornalista sira iha konferensia inprensa ne’ebé mak hala’o iha estadiun munisipal Dili sesta (17/02)
Nia dehan, kona-ba Ponta Leste nia preparasaun, ami hahú treinu fulan ida no tray out ho ekipa segundu devizaun no primeiru devizaun hamutuk dala tolu tanba ne’e jogador preparadu.
Epoka ida ne’e, Ponta Leste la mai ho jogador estranjeiru, maibé ami garantia de’it bá jogador lokál
Hatan bá Ponta Leste nia optimista, treinador Akademia Fc Luisinho dos Santos haktuir, ema hotu hatene ekipa Ponta Leste hanesan ekipa sigante, maibé ha’u sei la Hakfodak no sei fó fiar bá jogador sira atu hetan Pontos tolu.
“Ami nia optimista hakarak asegura Pontos tolu iha tabela klasifikasaun tanba ami mai ho jogador estranjeiru na’in tolu husi Belanda ida no Indonézia nain rua”
Enkuantu, jogu entre Akademia Fc ho As Ponta Leste sei halao iha loron 19 fulan fulan fevereiru iha Estadiun Munisipal Dili.
About Post Author
 treinador As Ponta Leste Edy Fernandes garantia sei hetan vitória kontra nia adversario Akademika Fc ho eskor 1-0 no Treinador Akademia Fc Lousinho dos Santos Fó fiar bá nia jogador hodi asegura Pontos tolu.){kind=link}