DILI-(Desportu XYZ) Menistru Juventude Desportu Arte e Cultura Nélio Isaac hala’o nia vizita dahuluk bá Konstrusaun kampu Futebol Akademia Becora 744 no kampu bintang Bidau ne’ebé mak konstrui husi nasaun Corea liu husi KOICA.
“Ohin ha’u mai vizita kampu ida ne’e tanba kampu ne’e sira hahú ona iha tinan kotuk no ha’u hakarak hare nia andamentu to’o iha ne’ebé,maibé ohin sira serbisu kapás tebes” afirma MEJDAC Nelio Isaac bá jornalista sira,hafoin remata vizita bá kampu Futebol Akademia Becora kinta (13/06)
Nia haktuir,kampu Futebol becora ne’e la’ós bá tebe bola de’it,maibé fatin bele sai hanesan rekreativu bá família sira iha loron sabadu no domingu hakarak prátika Desportu bele mai.
“Kampu ida ne’e hanesan fatin apropriadu ida tanba kompleta ho dormetorio bá atleta mane no feto liu-liu bá labarik sira”tenik Nélio
Governante ne’e esplika,sei karik projetu ne’ebé mak konklui seduh,ha’u hanoin ita iha ona infrastrutura basika ida atu ita bele konserta atleta sira hodi hare bá Prestaun di’ak ne’ebé sei mai.
Tanba ne’e ha’u agradese bá govenru Korea liu husi Embaixador Korea iha Timor-Leste tanba sira iha intensaun di’ak hakarak dezenvolve Desportu.
“Projetu sira halo ne’e la’ós de’it iha Becora, maibé ita iha projetu tolu hanesan kampu Binta,Kampu Alor no kampu komoro”
Sorin seluk Embaixador Korea iha Timor-Leste Shin Mantaek,informa projetu bá Konstrusaun kampu Futebol Akademia Becora ne’e atinji ona 34%.
“Ami sei halo projetu ne’e remata iha fulan Marsu tinan oin tanba tuir kontratu ne’ebé mak asina ona”
Entertantu,lansamentu fatuk dahuluk bá konstrusaun kampu Futebol Akademia Becora,Kampu Bintan Bidau,kampu Alor no kampu komoro husi eis Sekretáriu Estadu Juventude no Desportu SEJD Abrao Saldanha iha tinan 2022.
Enkuantu, konstrusaun kampu Futebol Akademia Becora sei termina iha fulan Marsu tinan oin no kampu Bidau sei termina iha tinan ne’e.
About Post Author
 Menistru Juventude Desportu Arte e Cultura Nélio Isaac hala'o nia vizita dahuluk bá Konstrusaun kampu Futebol Akademia Becora 744 no kampu bintang Bidau ne'ebé mak konstrui husi nasaun Corea liu husi KOICA.){kind=link}