Dili-(Desportu XYZ) Klube Kablake Fc Optimista sei hatun nia adversario Nagardjo iha jogu liga Timorense epoka 2022-2023 tanba sira lakohi hamoe sira nia Munisípiu Manufahi bá dala rua.
Tuir Manajamen Kablake Fc Elias Osvaldo Quintas hateten,ami nia perparasaun lahanesan ho klube seluk tanba perparasaun Kablake Fc foin mak semana rua,maibé optimista sei gania vitória kontra Nagardjo iha jogu aban loraik
“Ami Iha tarzetu tinan ne’e,tanba tinan kotuk ami fila,entaun ami lakohi halo moe Munisípiu Manufahi tanba Kablake ne’e Munisípiu nian”promete Elias bá jornalista sira iha konferensia inprensa ne’ebé mak hala’o iha estadiun munisipal Dili kinta (23/02)
Elias afirma,klube Kablake tinan hitu ona Nafatin de’it segundu devizaun,maibé tinan ne’e ami hakarak sa’e ba premeru devizaun.
Tanba Epoka tinan ne’e,Klube Kablake iha jogador esprensia barak mai husi Klube premeru devizaun sira.
Sorin seluk trenador Nagardjo Fc Octavianos Pintu informa,antes atu halao jogu aban kontra Kablake Fc,ami halo ona perparasaun fulan ida.
“Ami seidauk hatene ami nia adversario Kablake nia jogu tanba ne’e ha’u sempre fó hatene bá jogador sira tenki jogu kuidadu”
Octavianos sublina liu tan,jogu aban Nagardjo optimista sei rekoila Pontos tolu.
Entertantu jogu aban entre Kablake Fc kontra Nagardjo sei halao iha estadiun munisipal Dili iha loron 24 fulan Fevereiru tinan ne’e iha oras 16:00.
About Post Author
