DILI-Sekretario Jeral Karketu Dili Fc Elezeu Isaac Valoso hateten,jogu ida aban ne’e Matak Malirin konsidera ekipa Ad SLB hanesan rival,tanbá ne’e Lakteu perparadu sei tata fila Makikit Laulara iha jornada datolu Liga Fútebol Timor Leste (LFTL)
“Jogu ida aban ne’e ami konsidera Ad SLB hanesan ekipa ida bo’ot, tanbá kada tinan Karketu sempre hateke sira hanesan rival no mos Boavista. Maibé ami sei hatun fila fali Ad SLB iha jogu aban” promete Elezeu ba jornalista iha Xanana Sport Senter sesta (27/11)
Iha ema barak mak fo komentario katak, Ad SLB nia jogador barak iha selesaun nasional,maibé SLB nia jogador ne’e kada tinan kuaze hanesan deit no sira halo hanesan ne’e par sai razaun ida ba Ad SLB.
Nia haktuir, husu ba adepotos sira katak, Karketu perparadu hodi hasoru kualker ekipa iha epoka 2021 ne’e, no optimista sei hetan pontos tolu hodi sai hanesan razaun ba kampiaun.
Sorin seluk trenador Ad SLB Efren Jeronimu informa, jogador Ad SLB agora sei kolen hela,tanbá ami nia jogu tui-tuir malu hodi halo ami nia perparasaun hanesan babain.
“konaba optimista Ad SLB garante sei hetan pontos tolu,maibé situasaun ida ne’e sei depende fali ba 90 menutus.tanbá Karketu mos ekipa ida bo’ot no sira agora manan dala rua ona”
Efren sublina,hau fiar a’an Ad SLB sei joga ho diak,maské ami trenu ladun makas maibé Makikit sei garantia iha 90 menutu nia laran ami rekoila vitoria.
Enkuantu jogu ekipa Karketu Dili fc sei doelu kontra Ad SLB Laulara iha estadiun munisipal Dili sabadu loron 28 Ors 16:00
About Post Author
