DILI-ekipa kampiaun trybel Winer Lalenok United iha momentu Liga Futebol Amadora epoka 2020, maibé epoka 2021 Liga Fútebol Timor Leste (LFTL) ekipa Ponta Leste hatun nia forsa ho eskor 1-0 iha joranada da tolu.
Jogu hahu ekipa Lalenok United tun ho nia jogador estranjeru rua hanesan Daniel Adade no Italo Pementel Soares, enkuantu Ponta Leste mai ho jogador estranjeru Mohamed Momy.
Maibé tatika jogu Ponta Leste nian ho jogador maioria selesaun nasional sub 19 domina liu bola hodi halo deveza Lalenok United tenki serbisu makas hodi salva sira guarda rede Fagio Perreira ne’ebé hetan ameasa bola husi Ponta Leste.
Iha menutu 35 kapitaun Francisco da Costa ne’ebé lidera iha lina kotuk Lalenok United lakon nian lakon komunikasaun hodi fo opurtunidade ba avansadu Ejivanio da Costa hodi dere guarda rede Fagio Perreira, hafoin simu bola husi Issac dos Santos iha lina klaran hodi hatur eskora ba 1-0.
Ho eskor ne’e la muda tatika jogu Lalenok nian hodi domina bola a’as halo Ponta Leste tenki hasai ritmu jogu iha lina klaran atu hamate jogador Daniel Adade no Italo Pementel ne’ebé halo jogu ho istliu ain karuk, maibé susar ba jogador nain rua ne’e atu ultrapa ba area defensive Ponta Leste nian to jogu premera parte remata eskor mantein 1-0.
Kontinua ba segunda parte,trenador Ponta Leste Franciso Arauju halo mudansa ba jogador hodi hasai Ejivanio da Costa no hatama Amancio Arauju,enkuantu trenador Lalenok United hasai Osorio Gusmão no hatama Delcio Perreira.
Mudansa hirak ne’e halo Lalenok United domina hikas liu husi sota falta Italo Pementel dala ha’at no bola rua guarda rede Ponta Leste Francisco Gusmão konsege salva ho diak.
No iha menutu balun jogador Ponta Leste Olagar Xavier lansa sota livre ida husi lina penalidade kotuk, maibé sei antesipa husi guarda Lalenok Fagio Perreira hodi taka jogu ho eskor 0-1 ba Ponta Leste.
About Post Author
