DILI – Antes foti pontu 3 iha jogu da ruak grupu C copa Federasaun Futeból Timor Leste, ekipa Karketu ho naran istimadu Matak Malirin hetan presaun makas husi nia adversárii ekipa segundu devizaun Sporting de Timor.
Tuir Jestor Karketu Dili FC, Antonio Timóteo katak iha inísiu jogu matak malirin domina liu bola kompara ho sportinG de Timor, maibé sira laiha alvu ba golu.
Nia rekoñese, Sporting hanesan ekipa segundu divizaun maibé sira nia jogu halo ekipa primeiru divizaun Karketu difisil atu hetan golu lais.
“Antes hetan pontos 3 Karketu hetan presaun makas no halo ami nia jogadór tenki serbisu makas hodi tahan presaun ne’ebé mak husi Sporting” deklara Antonio Timóteo ba jornalista iha estádiu munisipál Dili, kuarta (02/09).
Nia akresenta jogu ida refere sira sente defisil lahanesan ho jogu da huluk kontra Ultramar, tanba iha segundu parte Karketu hetan presaun makas hodi rezulta golu id aba sira nia rede.
“Ho presaun sira ne’ebè mak Karketu hetan husi Sporting ami sei hadia failansu iha jogu tuir mai ho maneira lahanesan,” afirma treinadór ne’e.
Tuir mai, Karketu nia mehi ba 8 finais la dúvida tanba sira rekoila ona pontos 6 iha jogu da ruak no okupa iha pozisaun premeru iha grupu C copa FFTL. (Eugenio)
About Post Author
