DILI – Kapitaun Karketu Dili, Jorge Sabas rekoñese nia ho ekipa lakon komunikasaun entre lina devefa ho avansadu halo Karketu tenke simu derota ho ekipa segundu divizaun Portu Taibesi iha jogu daruak gurpu C copa Federasaun Futebol Timor Leste FFTL.
“Karketu lakon, fallansu entre jogador avansadu ho lina deveza halo ami tenki simu resultadu moruk kontra ekipa segundu divizaun Portu Taibesi” deklara Jorge Sabas ba jornalista iha estadiu munisipal Dili sabadu (12/09).
Nia akresenta ekipa Portu Taibesi iha duni preparasaun diak, tanbà sira hatene katak Karketu hanesan ekipa ida forte tebes ho jogador mesak iha esprensia.
Tuir kapitaun ho ekipa istimada matak malirin ne’e, derota ho Portu Taibesi nia jogu ohin halo Karketu sorte laiha, tanbà iha oportunidade barak iha liña oin sira la hetan golu to’o jogu remata.
Karketu sei hela jogu ida kontra Aitana FC hodi determina hakat ba 8 finais, maibè Matak Malirin sei hadia Frakeza sira ne’ebè mak jogador sira halo atu nune’e jogu tuir mai bele hetan vitoria. (Eugenio).
About Post Author
