DILI – Treinador Aitana FC João Souza senti triste wainhira nia ekipa derota 0-3 kontra Karketu Dili FC iha jogu datolu copa Federasaun Futebol Timor Leste.
“Hau senti triste ho rezultadu ohin Aitana hetan derota, tanbà planu Aitana nia iha jogu datolu ne’e hakarak hetan vitoria hodi hakat ba 8 finais” deklara João ba jornalista iha estadiun munisipal Dili kinta (24/09)
Ohin hetan golu tolu iha primeiru parte tanbà Aitana hasoru hela problema ba guarda rede ne’ebè mak hetan hela aleza hodi halo ami tenki simu golu sedu husi Karketu.
Ho rezultadu iha primeiru parte la diak ami esforsu makas hodi troka jogador iha lina defeza no avansadu, ikus mai rezultadu diak iha segundu parte halo Aitana la hetan golu to’o jogu termina.
Nia haktuir Aitana sei halo fali preparasaun diak kontra Sporting de Timor FC iha jogu ikus atu nune’e ami bele uza fali jogador balun ne’ebè mak sei la joga hodi tun fila fali.
“Ami la pasa iha copa FFTL tinan ne’e, maibè Aitana sei prepara jogador sira hodi foka liu ba Liga Futebol Timor Leste (LFTL) iha tinan oin mai. (Eug).
About Post Author
