Notisia Desportu XYZ (29/03/2023) Jogu segundu Divizaun Liga Futebol Timorense iha kuarta feira ne’e husi Zebra FC ho Nagardjo FC impata ho eskor 1-1.
Hahu jogu ne’e husi klubu Nagardjo domina bola no tama ba iha minutu 5 husi Nagardjo ameasa kedas ba baliza Zebra FC maibe la marka golu tanba baliza konsege salva bola.
Kontinua joga husi Nagardjo lori bola ba tama to’o lina 16 suta ba kona defeza husi Zebra FC nia liman maka Arbitrazen Joanico Gama hu’u arbitu hatudu penalidade.
Relasiona ho Penalidade ne’e Treinador husi Zebra FC Rogerio Mok la satisfas, hasai liafuan ladiak ba arbitrazen Joanico, nune’e antes suta penalidade arbitrazen fo kartaun mean uluk ba treinador hodi duni sai husi kampu laran.
Kontinua jogu husi Nagardjo numeru kamizola 23 Abrão Mendonça suta golu ba baliza Zebra FC hodi muda eskor 1-0.
Enkuantu kontinua iha jogu ne’e manas liu tan husi ekipa rua responde ba malu no Nagardjo FC halo sala iha grande area nia laran iha minutu 40 no arbitru hatudu liña penalidade fo ba Zebra FC, penalidade ne’e suta husi numeru kamizola 17 Dionizio da Silva no golu skor 1-1.
Entertantu husi jogu ne’e Zebra Fc numeru kamizola 12 Heriberto Guterres hetan kartaun kinur no defeza husi Zebra númeru kamizola 6 Octávio Mesquita mos hetan kartaun kinur.
To’o jogu remata laiha tan golu ruma nune’e skor 1-1 mantein no ekipa rua tenke kontente fahe pontu ba malu.
Ho fahe pontu ne’e iha tabela klasifikasaun provezoriu hiit Zebra sae ba numeru 4 ho pontu 5 husi jogu haat ne’ebe halao ona, Zebra lakon dala ida, impata dala rua no manan dala ida. Entretantu Nagardjo FC sei mantein iha okos liu zona mean ho pontu 2 husi jogu haat ne’ebe sira halao ona.
Tabela Klasifikasaun Divizaun 2 Liga Timorense 2022/2023
About Post Author
