DILI-jogador Helder Kiko salva nia ekipa Lica Lica Lemorai kontra nia adversario Atletic Ultramar ho eskor 2-2 iha jogu segundu divizaun grupu B Liga Fútebol Timor Leste (LFTL) ne’ebé mak halao iha estadiun munisipal Dili sabadu (16/10)
Jogu hahu ekipa rua tun ho tatika jogu tuir trenador ida-idak nia estratejia no teknik jogu ho formatu diferenti mak hanesan, Atletic Ultramar lideradu husi trenador Moises da Silva uza formatu 4-4-2,enkuantu Lica Lica Lemorai lideradu Gaspar Pinto responde ho format 4-3-3.
Maibé jogu ladura kleur iha menutu 16 jogador Juvitu do Nacimentu lori Lica-Lica Lemorai doko ona rede Atletic Ultramar,hafoin defeza Ultramar Ivan Lay lakon kontrolu hodi husi nia ain, ikus mai guarda rede Cesar de Jesus tenki foti bola iha rede laran hodi hatur eskor ba 1-0.
Golu ne’e halo Atletic Ultramar lalakon sira nia esperitu jogu iha kampu laran halo defeza Lica Lica Lemorai tenki serbisu makas hodi salva sira nia rede.
Lutu defeza Lica Lica Lemorai komesa nakloke halo Atletic Ultramar foti opurtunidade furak husi eis avansadu Sporting klubu de Timor Bonifacio Cabral responde golu ida, hafoin hetan asistensia husi nia kompaneru Elvis da Silva hodi muda eskor ba 1-1 hodi taka primeira parte.
Hakat ba segunda parte, Lica-Lica Lemorai halo subtituisaun ba defeza Elia da Silva hodi hatama fali avansadu Elder Kiko atu reforsa iha lina avansadu.
Ho subtituisaun ne’e halo Lica Lica Lemorai domina hikas jogu ho ritmu ne’ebé mak halo defeza Atletic Ultramar tenki hasai kosar hodi taka makas sira nia rede atu labele nakles.
Iha ne’ebé Atletic Ultrmar ikus mai halo rede Lica Lica Lemorai tenki nakles ba daruak liu husi jogador Bonifacio Cabral, hafoin aproveita bola baralla iha lina penalidade laran halo jogador refere hakerek nia naran iha kuadro eskor ba 2-1.
Ho eskor aumenta Lica Lica Lemorai mantein nafatin sira nia performe jogu ho bola a’as, ikus mai jogador Helder Kiko aproveita bola kruza husi jogador Mario Panão hodi fora rede Atletic Ultramar iha minutu 82 hodi salva nia ekipa ho skor 2-2 to jogu remata.
About Post Author
