DILI – Ekipa Zebra fc mai husi munisipiu Baucau tenki simu resuladtu1-1 kontra nia adversariu Fitun Estadnte Lorosae (FIEL) iha jogu daruak Liga Fútebol Timor Leste (LFTL) ne’ebé mak halao iha estadiun munisipal Dili, Domingu (17/10).
Jogu hahu ekipa antigu Zebra fc ne’ebé lideradu husi treinador Rogerio Mok fo kedas presaun makas ba lina avansadu Fitun Estudante hodi halo adeptos hakilar hodi fo sporta ba ekipa rua iha kampu laran.
“Ho presaun ne’ebé mak Zebra fc iha, ikus mai defeza Fitun Estudante komete bola maun iha lina penalidade halo arbritazen Francisco Pereira foti desizaun ba Zebra fc hodi suta penalidade iha minutu 21”.
Jogador Deonicio da Silva sai hanesan ezukutador susesu fura guarda rede Fitun Estudante Benditu Vila Nova hodi hatur eskor ba 1-0.
Skor ne’e halo Zebra fc hasai tan velosidade jogu hodi hetan bola soe ba oin, maibé lina defeza Fitun Estudante la fo opurtunidade ba avansadu Zebra fc atu ultrapasa liu husi sira lina oin to’o jogu termina primeira parte.
Fila ba segunda parte, Fitun Estudante ne’ebé lidera husi treinador Costodio halo mundansa jogu ho kalma husi ain baa in, enkuantu Zebra fc responde tatika jogu ho bola a’as.
Fitun Estudante ho jogu kalma ikus mai jogador Mario Kefy aproveita asistenti husi Helario Xemenis hodi kakeduk guarda rede Belmiro Belo halo eskor sai 1-1 iha menutu 53.
Golu 1-1 halo ekipa rua halo jogu ho tensi a’as iha ne’ebé Mario Xemenis lori Fitun Estudante fora rede Zebra fc hafoin aproveita bola husi suta kantu, maibé golu refere hetan anula husi arbitrazen.tanbá jogador refere bola kona uluk nia liman.
Maibé Zebra fc halo ataka fila ba Fitun Estudante liu husi suta kantu hafoin jogador Heriberto Guterres lansa sota ho ain los iha lina penalidade laran, maibé bola konsege kona rin baliza leten to jogu termina eskor mantein 1-1.
Resultadu ne’e lori ekipa ekipa Zebra fc hetan pontos ida husi jogu rua lakon ida inpata ida enkuantu Fitun Estudante hetan pontos ida husi jogu ida.
About Post Author
