Desportu.xyz- treinadór Zebra FC, Rogerio Moc fó sala nia jogadór parte liña klaran tanba halimar bola, nune’e ekipa adeversáriu Fc Fitun Estudante nia jogadór aproveita hodi produz golu.
Zebra hanesan ekipa ne’ebé tama ona iha jogu jornada daruak kontra Fitun Estudante iha Liga Futeból Timor Leste (LFTL) Segunda devizaun nian, ho pontus 1, ne’ebé tama iha lista provizoriu grupu A.
Tanba ne’e treinadór Zebra Fc ne’e hateten, lakon ho ekipa adeversáriu ne’e tanba linã defeza klaran mak halo fallansu .
“Tuir lolos ne’e la golu, soke defeza klaran ne’e mak halimar fali bola, entaun ema aproveita hodi hadau bola lori ba hatama”. Hateten treinadór ne’e iha Stadium Munisipal Dili, Domingu (16/10).
Antes ne’e treinadór ne’e promete ona bainhira, Zebra Fc kontra Fc Portu Taibesi hodi simu derota, nune’e atu hadia nia liña defeza, maibé realidade joga iha jornada daruak kontra Fitun Estudante, defeza sira nafatin halo fallansu.
Hau konsege hadia, maibé defeza ida mak nafatin halo sala, tanba halimar fali bola. Lolos ne’e nia hasai bola, la’os ba fintas fali, nune’e ema hadau bola hodi hatama golu. Nia dehan
Treinadór ne’e mós informa, nia parte sei sama atensaun ba jogadór refere, iha jogu tuir mai labele repete tan, hahalok ne’e.
Ami simu realidade ne’ebé iha, tanba kompetisaun tenki hanesan ne’e.
Nia haktuir, ohin iha oportunidade barak, maibé jogadór sira mak la aproveita ho di’ak.
Jogu rua tuir mai sei hadia di’ak liu tan, nune’e bele hetan pontus 4 ka 7. Nia promete.
Nune’e mós kapitaun Fitun Estudante Bernardino Vaz, kontete tebes ho rejultadu emapata 1-1 ho ekipa adversáriu, tanba sira preparasaun hatudu duni rejultadu. Ba oin ami sei kontinua esforsu prepara liu tan, nune’e bele manan jogu sira tuir mai.
About Post Author
.){kind=link}