DILI – Hafoin halakon Ponta Leste 1-0 iha 8 finais copa Federasaun Futebol Timor Leste FFTL hodi hakat ba kuartu finais, Assalam FC pronto kontra Ad SLB Laulara.
Tuir trenador Assalam fc Gaspar Quintão hatete ita hare ba jogu entre ekipa rua Ponta Leste hatudu jogu ho intensia a’as liu Assalam, maibè sorte monu liu ami hodi rezulta golu.
“Ho rezultadu hodi hatudu ami hakat ba kuartu finais, Assalam prontu kontra adversariu Ad SLB Laulara, deklara Gaspar ba jornalista iha estadiun Café Ermera Gleno iha Domingu (18/10).
Nia hatutan Assalam rekoiñese Ad SLB Benfica ekipa ida ne’ebé mak forte, maibè ami sei hadia failansu ne’ebè mak iha, Assalam fiar katak jogu sei nakfilak 90 minutus.
Assalam iha problema tanbà jogador meudu Osorio Gusmão ohin hetan kartaun mean halo nia jogu tuir mai lebele partisipa, maibè sei iha jogador nain 2 atu troka nia fatin, Gaspar dehan.
Hanesan trenador la hare ba jogador individual maibè hare liu ba koletividade ekipa nia tuir preparasaun ne’ebè mak iha. (Eug)
About Post Author
