Gleno – Treinadór AS Ponta Leste, Eduardo Pereira hateten, maske derota ho Assalam, maibé jogu refere investasaun áas tebes.
Tuir treinadór ne’e katak, jogu entre ekipa adversáriu, Ponta Leste sorte la iha, nune’e sira lakon liu husi auto golu, liu husi nia jogadór defeza kabesa ba nia guarda rede rasik.
“Iha jogu primeira parte, fallansu komunikasaun entre liña defeza ho baliza, nune’e hodi golu”.
Hateten treinadór ne’e iha nia konferénsia imprensa iha stadium munisipál Kafé Ermera, Domingu (18/10/2020).
Eduardo observa, depois de hakat ba jogu segundu parte, foin sira halo mudansa ba nia ekipa, nune’e hodi halo ameasa makas ba Assalam, maibé la produz golu ruma tanba liña defeza ekipa adversáriu nian la fó fatin.
Treinadór AS Ponta Leste ne’e mós kestiona maka’as ba árbitu, bainhira lidera ekipa rua joga, sempre hetan fallansu hela de’it.
“Hau kestiona ne’e, bainhira Garcia suta bola, Assalam nia defeza se ain, halo Garcia ain kanek hotu, maibé árbitu la iha desizaun ruma”. Nia kestiona.
Tanba ne’e, nia rekomenda, ba oin árbitu tenki hadi’a liu tan, tanba jogu sira hanesan oitavu finais no semi final, iha árbitru ne’ebé di’ak liu tan. (Vidal).
About Post Author
