DILI-Kopa FFTL 2020 hamosu ambiente manas liu tan iha kampu, iha semi final entre Lalenok United hasoru Boavista FC. Treinadór lokál ho internasionál hosi ekipa rua sei kadi kakutak hodi finaliza minutu 90 hodi hadau malu vitória.
Treinadór lalenok United, Simon Ellisetche la’ós ona foun iha família futeból Timor-Leste, nia mai hosi Indonesia iha tinan 2016, nu’udar treinadór ba ekipa Assalam FC.
Iha faze kualifikasaun ba liga Futebol Amadora 2016, Simon lori Assalam hela iha segunda klasifikasaun Divizaun daruak. Iha tinan hanesan Simon Lori Assalam tebe sai kampiaun Liga Amadora (2015-2016) AD SLB Laulara iha oitavu final tasa 12 Novembru.
Iha tinan tuir mai, Simon simu kontratu hosi Karketu Dili FC, hodi lori ekipa ne’e sai kampiaun ba Liga Amadora 2017 no mós manan na’in ba tasa 12 Novembru 2017, Hafoin nia muda fali ba Indonesia.
Ninia adversáriu treinadór Boavista FC, Miro Valdo Bento, jogadór famozu no lendáriu iha futeból Indonesia, nia laos ema foun ba Simon, sira nain rua iha tinan 2017, hetan fiar hosi Presidente FFTL Osorio Florindo hodi lori ekipa nasionál marka istória ekipa senior iha rai li’ur manan netik dala ida, 1-0 ho nasaun filipina.
Biodata
Naran : Miro Baldo Bento de Araujo
Fatin : Timor Leste, 4 Juni 1975
Kareira Klube
1992-1998 : Persija Jakarta
1999-2002 : PSM Makassar
2003 : Perseden Denpasar (Bali Persegi FC)
2004-2005 : Persijap Jepara
2006 : Persmin Minahasa
2007 : Persela Lamongan
2008-2009 : vakum (treinu Persiram Junior)
2010 : PSIS Semarang
Iha jogu semi final entre ekipa lalenok United sei hatudu kualidade hosi mestre futeból boot iha rai laran ne’e hodi anima no hasae kualidade kompetisaun futeból iha rai laran. Adeptu sira ninia prejensa iha kampu importante hodi sai sasin.
About Post Author
