Dili- Ekipa Académica Fc garante sei hetan vitória kontra Emmanuel Fc iha jogu finál aban Tersa (07/12) ba segunda divizaun Liga Futeból Timor Leste (LFTL) époka tinan ne’e.
Treinadór Académica Fc Luzinho dos Santos hateten, sira preparadu atu hasoru ekipa adversáriu iha jogu finál aban.
“Aban ami fiar-an sei manan”. Hateten treinadór ne’e iha edifisíu LFTL, Segunda (06/12).
Treinadór ne’e mós rekoñese, hasoru Emmanuel Fc hanesan hasoru hela selesaun nasionál Timor Leste nian sub 19.
Emmanuel nia jogadór mesak foin sa’e no sira maioria husi selesaun nasionál sub 19. Nia rekoñese.
Maske nune’e, nia dehan sei orienta jogadór sira atu mantein defende ekipa adversáriu nia liña avansadu.
Iha fatin hanesan treinadór Académica Fc Emilio da Silva hateten, nia ekipa mós preparadu atu hasoru Académica Fc.
“Aban ne’e ami hasoru Académica hanesan ekipa bot, tanba sira foin tun hosi primeira divizaun tinan kotuk, maibé ami sei esforsu para hetan vitória.
Treinadór ne’e mós dehan, jogu aban 90 minutu mak termina.
“Hau nafatin motiva jogadór sira atu bele halo istoria ida foun ba Emmanuel Fc”.
Enkuantu jogadór Emmanuel Fc nia kondisaun fisíku di’ak no preparadu.
About Post Author
