DTL – Ekipa Ponta Leste FC, hetan tan pontu tolu, hafoin halakon ekipa AS Marca iha jogu prelimináriu grupu B nian, ba jogo copa FFTL tinan ne’e, maibé coach Ponta Leste rekoñese, jogu primeira parte jogadores sira defisil hatama golu.
“Ohin manan AS Marca ne’e mós la fasíl, tanba jogadór sira defisil hatama golu, maibé hau muda fali entratejia jogu, nune’e konsege hatama duni golu iha jogu primeira parte”. Hateten treinador ne’e iha fatin konfrénsia imprensa Stadium Munipal Dili, Domingo (30/08/2020).
Tuir treinadór ne’e katak, antes ne’e sira manan ekipa husi Atletico Ultramar ne’e nia deklara ona katak sai motivasaun ba sira hodi hein jogu tuir mai, tan ne’e ohin sira konsege halakon duni ekipa husi AS Marca ho skor 7-0.
Treinador ne’e dehan tan, sira sei hela jogu rua entre ekipa Fitun Estudante no Nagardjo, tan ne’e nia parte seidauk garante atu ultrapasa iha sira nia grupu.
“Fitun Estudante mós hanesan ekipa ida forte, ne’ebé ami kontinua antisipa”. Nia afirma.
Eduardo mós promete, sira kontinua halo preparasaun, atu nune’e bele hasoru jogu rua tuir mai. (Vidal)
About Post Author
