(DTL, 05/08/2020)-Jogadór Oligario Barreto Boavida mai husi klubu Karketu hahú karreira foun hodi joga fali iha klubu Boavista.
Tuir nia, antes ne’e nia joga iha klubu Karketu, maibe nia kontratu remata tiha iha tinan 2019.
“Hau nia kontratu ho klubu Karketu remata iha tinan 2019, tan ne’e hau la iha kontratu foun ruma husi klubu, entaun iha Kopa FFTL nian ne’e hetan fali kontratu ho Boavista”.Hateten eis Jogadór Karketu ne’e ba jornalista DTL, bainhira remata treinamentu iha kampo Demokasia, Kuarta (05/08).
Tanba ne’e, nia dehan, kontaktu husi klubu FC Boavista atu apoiu sira nia ekipa iha linha mediu (klaran).
“Tanba ne’e hau deside ba iha FC Boavista”. Afirma eis kapitaun FC akadémika iha LFA edisaun 2016/2017 nian ne’e.
Jogadór ho linha mediu ne’e, hahú joga iha Karketu iha tinan 2016 to’o 2019, to’o remata nia kontratu iha mundu Futebol.
Eis Jogadór Karketu ne’e mos iha tinan 2016 no 2017 hetan mos titúlu iha liga Futebol Amadora no Supertaxa nian.
Tanba ne’e, tuir nia, iha esperasa iha Boavista hakarak hetan mos titúlu iha kompetisaun jogo iha kopa FFTL nian, ba tinan ne’e.
Enkuantu nia afirma, iha kopa ne’e sei hasoru klubu sigante balun hanesan Lalenok, SLB no sira seluk, maibe hanesan Jogadór nunka hakfodak bainhira hasoru sira.
“Ami durante semana ida resin ona preparasaun makas los,”. Hateten nia.
Enkuantu nia deklara, durante sira halo treinamentu iha semana hirak nia laran, hetan mos esperensia foun ruma husi treinadór, tanba ho esperensia ne’ebe makas iha mundu Futebol nian.
“Ho esperensia hirak ne’e, ami prontu hasoru ekipa ne’ebe deit, tanba hanesan jogadór konsidera sira forte ami mós forte”. Afirma nia.
Klubu Boavista, nia treinadór mak Miro Valdo Bento. (vidal).
About Post Author
