(DTL, 05/08/2020)-futebolista José Guterres Silva (23), nafatin hetan kontratu husi klubu Boavistaba preparasaun jogu Kopa federasaun Futebol Timor-Leste (FFTL) nian, iha tinan ne’e.
Tuir jogadór ne’e, bainhira remata treinamentu iha kampu demokrasia ba jornalista desportu Timor Leste (DTL) nian katak, kontratu husi klubu Boavista ne’e ba faze kompetisaun iha kopa FFTL nian.
“Kontratu ida agora ne’e ba kopa FFTL nian, depois ba fali liga mak kontratu fila fali”. Hateten Jose iha Kampu demokasia, Kuarta (05/08).
Enkuantu nia haktuir tán, antes ne’e nia mos joga iha FC Portu Taibesi no muda ba iha klubuKarsae no ikus mai nafatin hahú nia karera jogo tama ona ba tinan haát iha klubu FC Boavista hanesan defeza.
Jogadór José daudaun ne’e ho idade 23, maibe antes nia mos involve áan joga iha sub 14 no kontinua ba sub 16.
Nian mos hetan oportunidade ba tuir kompetisaun jogo iha Asian Games nian iha Ankola no fila hamutuk kedas ho jogadores junior sira iha tinan 2014.
Tan ne’e, nia kompara mundo jogo Futebol agora daudaun iha mudansa makas kompara ho tinan hirak kotuk liu ba.
José mai husi jerasaun Ainaro no Viqueque, hahú nia estudu primária iha Aituri Laran, no pré-sekundário iha Esperansa da Patria-Becora no nu’udar mós alumni Sekundária iha 12 de Novembro.(#).
About Post Author
