Dili-Átletico Ultramar derota ho Emmanuel Fc ho skor 0-6 hodi fó biban ba Emmanuel tenki hakat ba finál iha kompetisaun divizaun 2 Liga Timorense époka tinan ne’e.
Tanba ne’e Emmanuel Fc sai ekipa kandidatura forte ba primeira Divizaun iha tabela klasifikasaun grupu B, tanb okupa ho pontus 9, iha jogu dala dalahat no lakon dala ida de’it iha jogu ida, no manan dala tolu.
Jogu entre ekipa rua, foin hahú iha jogu primeira parte ekipa rua halo kontra atake ba malu, no Emmanuel Fc ba tátiku bola as, no Atlético Ultramar responde ho bola rai.
Hare ba tátiku jogu, Emmanuel Fc kontra atake makas liu ba area Atlético Ultramar nian, hodi fó ameasa dala ida ba besi rin, liu husi jogadór Alexandre Moreira nia bola cabsada.
Maske nune’e, Atlético Ultramar nafatin joga kalma no hatudu disiplina do jogu atu salva sira nia ekipa husi derota.
Hafoin iha minutu 27, Emmanuel Fc fura uluk rede Atlético Ultramar nian liu husi jogadór Alexandre Moreira, bainhira simu bola asisténsia husi Mario Quintão husi parte karuk, nune’e hodi hatur skor ba 1-0.
Golu refere halo Atlético Ultramar tenki esforsu maka’as, atu responde hikas golu ne’ebé sira simu, maibé defisíl ba sira atu liu liña defeza Emmanuel Fc nian, tanba liña metin.
Nune’e jogadór Ultramar nian, Ivan Lay tenki simu kartaun kinur iha minutu 28.
Momentu furak ba Emmanuel Fc, tanba fura tan golu daruak hodi muda skor ba 2-0, liu husi jogadór Alexandre Moreira iha minutu 35.
Golu husi Emmanuel Fc la dura kleur, tanba hakat ba minutu 38, responde tan golu datoluk, liu husi jogadór Filomeno Xavio, bainhira aproveita bola muta sai, tanba kona besi rin, banhira ezekutadór Jonatas Perira suta bola falta besik liña 16 Atletico Ultramar nian.
Rejultadu golu husi Emmanuel Fc nian iha jogu primeira parte, lori tristeza bot ida ba ekipa Atlético Ultramar, tanba sira tenki tenta husi liña ba liña atu lori bola ultrapasa hodi responde golu ruma.
Maibé la iha dalan, tanba liña defeza, Emmanuel Fc nian hatudu sira nia kualidade jogu atu salva sira nia ekipa husi sofrementu golu.
Tanba ne’e jogu primeira parte remata, skor ba Emmanuel Fc 3-0 Atlético Ultramar.
Depois hakat ba jogu segunda parte, treinadór Atlético Ultramar Moises da Silva tenta fó orientasaun ba nia jogadór sira atu mantein liña ida-idak nian.
Maibé obrigado jogadór Ultramar Manuel Soares iha parte defeza tenki husu sai tanba sofre ain karuk aleixa hodi hatama fali Octavio Ximenis.
Ekipa Atlético Ultramar nafatin halo subtituisaun ba nia jogadór, hodi dada sai liña mediu Elvis da Silva no hatama Domingos Amaral.
Subtituisaun Átletico Ultramar nian la dura kleur, tanba Emmanuel aumenta tan golu dahat hodi muda skor 4-0, liu husi jogadór Mario Quintão bainhira simu bola asisténsia husi Filomeno Xavio.
Sofrementu bot ba ekipa Atlético Ultramar, tanba jogadór sira tenta hakas-áan atu muda skor ne’ebé sira mamuk liu, maibé ekipa adversáriu hatudu sira kualidade jogu di’ak tebes hodi salva sira nia ekipa.
Tanba ne’e, iha minutu 66 Emmanuel Fc nia jogadór Filomeno Xavio hatama tan golu dalimak hodi muda skor ba 5-0.
Sofre liu tan ba ekipa Atlético Ultramar, tanba hela de’it jogadór na’in sanulu, tanba Lexi Atok tenki simu kartaun mean husi Árbitro Francisco Pereira tanba aleixa jogadór Emmanuel nian, Alexandre Moreira nia ain parte karuk.
Ekipa rua nafatin halo subtituisaun ba jogadór sira, tanba Ida buka atu salva husi impata no ida buka atu responde golu.
La iha fatin ba Atlético Ultramar hanesan ekipa ne’ebé esforsu atu responde golu tanba Emmanuel nia jogadór dumina liu bola.
Oras hahú besik ba 90 minutu, Emmanuel Fc muda tan skor ba 6-0, liu husi jogadór Jeferino Nheu iha minutu 86, banhira suta bola falta besik liña 16 Atlético Ultramar nian. Tanba ne’e to’o jogu segunda parte termina ba ekipa rua, vitória ba Emmanuel ho skor 6-0.
About Post Author
