Dili-Karketu Fc ho naran estimadu “Matak Malirin” fiar-áan katak sira preparadu no hatun jogadór estranjeiru hodi kompete ho Aitana Fc iha jogu abertura aban (sexta, 12/11) iha Liga Futeból Timor Leste (LFTL) primeira divizaun époka tinan ne’e.
Iha konfrénsia imprensa, treinadór Karketu Fc Vicente Ramos hateten, sira nia preparasaun durante fulan ida ho balun ona.
“Aban ami sei mai ho jogadór foun balu mai husi estranjeiru, no lokal balun”. Hateten treinadór ne’e iha edifisíu LFTL, Bairo dos Grilos, Kinta (11/11).
Treinadór ne’e mós informa tan, hare ba sira nia preparasaun durante ne’e lao di’ak tebes, tanba ne’e iha esperansa iha jogu dahuluk hakarak rekolla pontus tolu husi ekipa adversáriu.
Nune’e mós sekretariu jeral Karketu Fc nian, Elizeu Valoso mós hatutan, sira ekipa preparadu atu joga aban.
Aban ne’e ami sei hatudu jogu ida ke di’ak tebes, tanba aproveita loron importante ida ba komemorasaun loron 12 de Novembru ne’e rasik. Dehan Nia.
Nia mós dehan tan, sira iha jogadór estranjeiru na’in tolu, maibé aban atu joga mak bele hare.
Aleim ne’e mós treinadór Aitana Fc Vicente João Xavier deklara, aban sira prontu atu hasoru Karketu no iha jogu mak haree nia rejultadu.
Total jogadór estranjeiru hamutuk na’in hat (4), maibé daudaun ne’e na’in rua husi Papua no Gana mak iha ona Timor Leste.
Treinadór ne’e informa, iha jogadór na’in hat mak sira dada tan husi eis klubu Boavista Fc, mak hanesan Edit Xavio, Enky, João Paulo no Rivaldo. Nune’e mós asistente treinadór Aitana Fc, Januario de Almeida hatuntan, sira ekipa preparadu atu hasoru Karketu Fc iha jogu abertura aban no hakarak rekolla pontu tolu.
About Post Author
.){kind=link}