(DTL 20/08/2020) trenador Assalam FC Gaspar Quintão triste bainhira nia ekipa derota 0-2 kontra Lalenok United iha jogu abertura Kopa federasaun Futeból Timor Leste (FFTL) 2020.
Fó hanoin katak Assalam nia promete ba media sira foin lalais iha dada sorteiu kopa FFTL katak Assalam sei la hakfodak kualker ekipa ne’ebè de’it mak Assalam atu hasoru iha faze grupu A.
Ho rezultadu ne’ebé mak derrota 0-2 kontra Lalenok hanesan mehi Lalenok realiza mehi ba Assalam.
“Ami en jerál triste ho resultadu moruk ne’ebé mak derrota 0-2 kontra Lalenok United iha jogu faze grup A, ida hanesan lisaun ida mai ami atu hadia” afirma Gaspar Quintão ba jornalista iha Estádiu munisipál Dili kinta (20/8/2020)
Nia relata Assalam hetan opurtunidade barak iha premeira parte,maibè jogador sira mak la koi aproveita no kontrola bola ho di’ak.
“Ha’u hare jogu Lalenok ho Assalam halo kontra ataka hanesan de’it no domina bola iha kampu laran kuaze nia porsentu hanesan de’it.
Maibé Assalam rekoñese krize avansadu iha liña oin, tanbà avansadu iha kapasidade di’ak halo golu, muda ona ba joga iha klube seluk.
“Assalam sei iha jogu tolu, tanba ne’e ami sei hadia faillansu ne’ebé mak jogador sira komete liuliu iha lina avansadu no liña klaran.
Jogu tuir mai Assalam sei hasoru ekipa tolu mak hanesan DIT FC,Santa Cruz fc,no Zebra FC. (Eugenio)
About Post Author
