(DTL) – Karketu FC komprimitidu sei mananAkadémika FC, iha jogu jornada dahuluk iha Copa Federasaun Futebol Timor Leste (FFTL) tinan 2020.
Tuir treinadór Karketu Dili FC Januario de Almeida hateten, durante iha semana hirak kotuk, mai to’o ohin loron sira preparadu los atu hasoru kopa FFTL tinan ne’e, tan ne’e sira kompremitidu sei manan Akadémika iha kompetisaun refere.
“Ami hakarak ka lakoi tenki manan, tanba ne’e kopa, se jogadores sira halo preparsaun atu kompete deit ne’e labele”.
Hateten treinadór ne’e ba jornalista desportu.xyz, nian bainhira remata nia treinamentu ba jogadór sira iha kampu Demokrasia, Tersa (18/08).
Tanba ne’e, nia garante, iha treinadór hotu hakrak nia ekipa atu manan iha kopa FFTL ne’e rasik.
“Ami nia jogadór preparadu los no forsa los, atu hasoru se deit mak iha ami nia grupu C”. Nia afirma.
Enkuantu treinadór ne’e reforsa tan, maske sira halo treinamentu ba jogadór sira ho tempu limitadu, maibe prestasaun jogadores sira diak tebes atu hasoru kompetisaun ba Copa ne’e rasik.
Relasiona ho kapitaun iha Karketu ninian, sira seidauk deside tanba jogu seidauk lao, tan ne’e sira sei hare hamutuk iha tempu badak atu deside se mak sai kapitaun iha ekipa ne’e rasik.
Tan ne’e, Karketu FC tama iha grupu C, dahuluk sei joga hasoru Akadémika iha loron Sabadu, 21/08/2020, oras 16:00 otl, iha Estdiun Munisipal Dili. (Vidal).
About Post Author
