DILI – Akadémika FC la mosu iha salaun konferénsia imprensa ne’ebé monta iha estádiu munisipál Dili hafoin derrota 2-0 hasoru Karketu Dili iha jogu preliminár grupu C iha kopa FFTL 2020.
Desportu.XYZ seidauk hetan klarifikasaun ofisial ruma hosi akadémika relasiona ho sira nia asaun refere. Tuir observasaun, mosu dezintendimentu iha entrada kampu Pitch haksesuk malu ofisial Akadémika FC ho komisaun organizadora.
Enkuantu jogu remata, ekipa Karketu maka halo uluk konferénsia imprensa, no ekipa media hein duni Akadémika iha laran maibé la mosu ba.
Asaun ne’ebé Akadémika halo hanesan asaun protestu hasoru arbitrajen iha ligasaun ho insidente bola golu ne’ebé la konsege konsidera ou hasai desizaun ruma hosi dirasaun arbitrajen no ekipa ne’ebé derije jogu.
Jogadór kamizola 8 Joel Gaio (Akadémika FC) konsege lansa bola dook direita (ho velosidade segundu 3) no kona trave monu ba rede laran ho lais bola semo sai fali.
Ambiente ne’e lori fali sorte di’ak ba iha Karketu basá arbitru ho distánsia dook metru 45 tarde to’o hosi rede Karketu inklui asistente árbitru mós tarde to goal line hodi deside bola refere golu ou lae.
Franky Cardoso, guarda rede karketu aproveita la rona apitu lian no juís liña tarde to fatin, guarda rede nee hakuak bola metin, nune’e árbitru Jaime Gonçalves la hasai desizaun ruma kontinua fali jogu normal to jogu termina. (Augusto).
About Post Author
