Dili-Jogu entre ekipa rua Ad-SLB Laulara kontra Karketu Dili Fc la iha vitória ba malu tanba impata ho skor 1-1, nune’e ekipa rua fahe pontus hanesan iha jogu jornada datoluk Liga Futeból Timor Leste (LFTL) époka tinan ne’e.
Iha entrevista asisténte treinadór Ad-SLB Laulara Efren Jerónimo hateten, iha impata ne’e tanba sira muda jogadór husi liña ba mai hodi hetan ritmu jogu ne’ebé di’ak hodi konsege halo impata.
“Ami nia jogadór sira sente kole, tanba ami nia jogu tuituir los malu, ne’ebé ami konsege truka ba mai no konsege hetan jogu ho timu ne’ebé di’ak”. Hateten asisténte treinadór ne’e hafoin jogu ekipa rua remata iha stadium Munisipal dili, Sábadu (27/11).
Nia promete, ba oin sei hadia di’ak liu tan hodi hasoru ekipa seluk.
Iha fatin hanesan, asisténte treinadór Karketu Dili Fc António Timoteo hateten, jogu entre ekipa rua la’o ho ritmu jogu di’ak tebes.
Ohin jogu ekipa la’o di’ak tebes, tanba iha iha primeira parte ami halo skor 1-0, maibé hakat fali ba segunda parte Ad-SLB halo impata 1-1.
Asisténte treinadór ne’e mós lamenta ho árbitru sira nia desizaun iha kampu laran la imparsial, tanba bola falta Ad-SLB nian la fó kartu kinur ruma.
About Post Author
 époka tinan ne’e. Iha entrevista asisténte treinadór Ad-SLB Laulara Efren Jerónimo hateten, iha impata ne’e tanba sira muda jogadór husi liña ba mai hodi hetan ritmu jogu ne’ebé di’ak hodi konsege halo impata.){kind=link}