Dili-Ekipa DIT Fc ameasa tama iha liña mean ba degradasaun segunda divizaun, hafoin derota ho Assalam Fc ho skor 1-3 iha jogu jornada datoluk.
Ekipa DIT Fc hala’o jogu dala tolu no hela ho pontus mamuk (0), iha tabela klasifikasaun ikus liu iha Liga Futeból Timor Leste (LFTL) époka tinan ne’e.
Jogu entre ekipa rua, mai ho esperansa atu konkista vitória nune’e lori sira nia ekipa dook husi zona mean.
Tanba ne’e iha jogu primeira parte hahú ekipa lansa atake ba malu liuhusi pasajen bola husi ain ba ain
Ekipa DIT FC halo presaun barak no ameasa ba area Assalam FC nian, maibé seidauk realiza golu tanba bola do’ok husi tarjetu.
Assalam FC mós Halo kontra atake no halo presaun ba ekipa adversáriu maibé sempre falla tanba liña defeza ne’ebé performa di’ak no displina.
DIT FC kontinua halo kontra atake no presaun ba liña defeza Assalam FC no rezulta falta iha area Assalam FC. Maibé seidauk fó rezultadu tanba liña defeza salva nia guarda rede husi sira bola falta.
Jogador Assalam FC númeru kamizola 22 Martino Belo, konsege hatama golu maibé antes suta gol bola maun uluk. Ekipa rua halo jogu ho pasajen bola long.
Assalam FC konsege lidera golu iha minutu 45 +1 liuhusi jogador númeru kamizola 22 Martino Belo.
Golu ne’e halo Assalam Fc fiar a’an. Too jogu termina Assalam FC Lidera 1-0.
Tama segundu parte ekipa rua nafatin esforsu hodi halo kontra atake ba malu atu buka golu, maibé la iha dalan.
Hafoin iha minutu 61 DIT Fc nia jogadór Jose Almeida (7) responde hikas golu ida hodi muda skor 1-1.
Sorte di’ak nafatin monu ba Assalam Fc nia jogadór Husen Costa (27) hafoin simu bola asisténsia husi Bonarudim Amin, nune’e muda skor 2-1.
Skor refere halo DIT esforsu atu buka golu, maibé defeza Assalam Fc nian la fó fatin atu sira liu.
Ekipa Assalam Fc nafatin muda sira skor ba 3-1, liu husi jogadór Martino Belo iha minutu extra nian 90+2.
Skor refere halo Assalam Fc mantein ho skor 3-1 to’o jogu segunda parte termina. Daudaun ne’e Assalam Fc okupa iha tabela klasifikasaun LFTL númeru dalimak ho pontus 3 husi jogu dala tolu no hela jogu tolu.
About Post Author
, iha tabela klasifikasaun ikus liu iha Liga Futeból Timor Leste (LFTL) époka tinan ne’e.){kind=link}