Dili-Ekipa segunda divizaun Zebra FC, obrigadu tenki simu derota ho nia adversáriu Fc Portu Taibesi ho skor 0-1, iha jogu abertura Liga Futeból Timor Leste (LFTL) époka 2021.
Tanba ne’e tuir treinadór Zebra Fc Rogerio Moc hateten, maske derota iha jogu abertura refere, maibé nia apresia ho nia jogadór sira, tanba iha jogu primeira parte nia ekipa bele halo impata 0-0.
“Iha primeira parte ami impata, ida ne’e apresia tebes, maibé hakat ba segundu parte mak hau nia jogadór sira nia resistensia tun hodi halo ekipa adversáriu hatama golu iha minutu
extra nian”. Hateten treinadór ne’e ba jornalista sira, hafoin jogu remata iha stadium Munisipal Dili, Tersa (12/10).
Nia mós rekoñese, golu ne’ebé sira simu tanba hetan fallansu iha liña defeza, nune’e mos mentalidade jogadór sira nian sei menus, maibé nia promte sei hadi’a iha jogu tuir mai.
Iha fatin hanesan, treinadór Fc Portu Taibesi José Monis Gomes, apresia ho rejultadu ne’ebé nia ekipa rekolla, tanba manan Zebra iha minutu extra 90+2, ne’e hanesan sorteiu ida.
Treinadór ne’e mós rekoñese, maske hetan vitória ne’e, maibé nia ekipa iha liña klaran sei hetan fallansu hodi halo ekipa adversásiu kontra atake maka’as iha jogu primeira no segundu parte.
“Ba oin sei hadi’ak liu tan, nune’e ekipa ne’e bele di’ak liu tan”. (Vidal).
About Post Author
