DILI – Golu uniku husi avansadu Januario Pinto lori nia ekipa Portu Taibesi haknauk pontos tolu husi nia adversariu Zebra FC iha jogu abertura segundu divizaun Liga Fútebol Timor Leste (LFTL) epoka 2021 ne’ebé halao iha estadium munisipal Dili Tersa (12/10).
Iha jogu primeiru parte, ekipa rua tun ho tatika jogu tuir ida-idak ritmu jogu hanesan Portu Taibesi tun estilus jogu husi ain ba ain, ekuantu Zebra fc responde ho jogu a’as.
Maibé eis jogador Boavista fc de Timor Euzebio Almeida hanesan kapitaun ba ekipa Portu Taibesi atu lori nia ekipa fora guarda rede Zebra fc Berlemiro Belo liu husi suta kantu no bola refere sei salva husi Rique Correa.
Enkuantu iha minutu balun jogador Zebra fc Heriberto Guteres lansa suta falta ida husi lina penalidade kotuk halo guarda rede Porto Taibesi Lourensco Guteres tenki esforsu hodi baku bola sai husi rin baliza nia leten.
Iha ne’ebé Portu Taibesi domina liu bola hodi lansa suta kantu dala hitu, bola falta dala 6 no sota livre dala 4, maibé bola 4 mak konsege kona alvu, enkuantu Zebra fc hetan kantu dala rua no falta dala tolu hodi termina primeira parte skor mantein 0-0 ba ekipa rua.
Hakat ba segunda parte, Zebra fc tun halo mudansa jogu hodi subtitui avansadu Erneu Coreia ho avansadu Rodolfo Belo, iha mudansa refere konsege halo Zebra fc domina hikas jogu.
Ikus mai halo Portu Taibesi tenki esforsu makas iha lina defeza, tanbá jogador Estavão Soares lansa halo guarda rede Porto Taibesi Lourenso Guteres tenki monu hader hodi salva bola husi jogador refere.
Sorte a’at akontese ba Zebra fc wainhira asistenti Arbitrazen foti sai menutu ikus 90+2, jogador Januario Pinto aproveita bola kantu ne’ebé mak sota husi jogador João Pereira halo guarda rede Zebra fc Berlmiro Belo tenki hili duni bola iha rede laran hodi taka jogu premera parte ho skor 1-0
Ho eskor ne’e lori Portu Taibesi lidera tabela klasifikasau provesoriu grupu A ho pontos 3 ekuantu Zebra Fc ho pontos zero.
About Post Author
