DILI-klubu husi Munisipiu Baucau Zebra Fc hader hikas hodi hamonu As Marca ho eskor 3-1 iha jogu datolu grupu A Liga Fútebol Timor Leste (LFTL) ne’ebé mak halao iha kampu demokrasia kuarta (27/10)
Jogu hahu ekipa rua mai ho mehi ida hakarak rekoila pontos hodi asegura tabela klasifikasaun,maibé Arbritazen foin hahu apitu lian iha lina sentra fatin jogador Octavio Mesquita soe bola ba Estavão Soares hodi les rede As Marca iha detik 26 hodi hatur eskor ba 1-0.
eskor ne’e halo As Marca la hatun sira nia ritmu jogu hodi halo jogu kalma husi ain ba ain,enkuantu Zebra fc halo jogu ho bola a’as.maibé lina deveza As Marca solidu tebes hodi tahan sira nia rede.
Ho estilu jogu As Marca nian ne’e halo deveza Zebra Octavio Mesquita komete bola maun iha lina penalidade laran hodi halo arbitrazen foti dezisaun ba sota penalty.
Jogador meudu atakante As Marca Alvaro Kefy sai hanesan ezekutador sosesu fora rede Zebra Gregorio Alves iha minutu 9 hodi halo eskor 1-1 to jogu premera parte termina.
Hakat ba segunda parte,Zebra Fc ne’ebé lidera husi trenador Rogerio Mok halo mudansa jogu hodi subtitui avansadu Filipe Oliviera hodi hatama fali Heribertu Guterres.
Mudansa ne’e lori resultadu ba Zebra Fc hodi doko rede As Marca liu husi cabesada Capitaun Camilo Pereira hafoin hetan aproveita bola kantu iha minutu 53 hodi hatur eskor sai ba 2-1.
As Marca seidauk rende ho golu ne’e mak Zebra halo ba sira,tanbá ne’e As Marca fila responde golu ida ba rede Zebra husi sota livre jogador David Mendonsa.maibé golu refere hetan anula husi Arbitrazen Eufrasio da Costa Silva tanbá jogador Zebra fc niak toba hela kampu laran
Ho dezisaun arbitrazen nian ne’e halo treinador adeptos husi ekipa As Marca la simu dezisaun hodi halo protesta makas, ho nune’e halo jogu tenki para iha minutu ikus mai no jogu kontinua fali.
Arbitrazen nia deizaun halo jogador As Marca nia resistensi jogu monu,halo Zebra FC foti opurtunidade hodi hekis rede As Marca husi jogador Deonisio da Silva iha minutu 90 halo eskor ba 3-1 to jogu remata.
Resultadu ne’e lori As Zebra Fc rekoila ona Pontos 4 husi jogu datoluk lakon ida inpata ida no vitoria ida hodi okupa iha terseru klasifikasaun.enkuantu As Marca ho pontos 0.
About Post Author
 ne’ebé mak halao iha kampu demokrasia kuarta (27/10)){kind=link}