[Desportu Timor-Leste]-Iha jornada datoluk Liga Futeból feto Timor-Leste Ekipa Futeból valei de Lahane manan ninia adversáriu São Jose FC ho rezultadu golu boot demaziadu 13-0 sein hetan resposta.
Reportajen hosi kampu haree katak komparasaun fíziku ekipa sao jose mesak iha fíziku di’ak ho otas boot, enkuantu halai ba kapasidade jogu, ekipa VDL di’ak liu.
Ekipa sai José monu iha minutu 10 inísiu jogu, enkuantu VDL kontinua halo jogu atake ho ambisaun hodi nadodon de’it ba area risku Sao Jose nian hodi hamosu golu.
“Rezultadu ida ne’e, husi ami ekipa ida ne’e ami kontente tebes tanba ami manan ho rezultadu 13- 0.” Deklara Donavio Da Silva Pereira Lopes ( Treinadór VDL) hafoin ninia ekipa konkista vitória.
Nia komenta katak vitória ne’ebé ninia ekipa hetan tanba aplika jogu bonita.
“Tiki-taka ka pasajen bola malu ho eskema 4-4-3, ami hare ba di’ak,” afirma treinadór nee hodi haktuir uza eskema refere hosi jogu primeira parte to segunda parte.
Mezmu manan, Treinadór ne’e sei reseu hela ekipa jigante seluk hanesan FC-Buibere maibé enkuantu ladún duvida ho ekipa seluk hanesan SLB Laulara basá hasoru malu ona iha abertura.
“Manan ida ne’e la’ós ba ikus maibé manan ida ne’e atu ami bele hadi’a no esforsu di’ak liu tan,” nia subliña.(*)
About Post Author
