DILI – Kompetisaun liga femenina ba jornada dahaát nian,ekipa Akádemika halokon nia advesariu ekipa VDL ho rejultadu 2-0.
Tuir observasaun, iha kampo demokrasia, iha primeira parte, ekipa Akádemika halo presaun makas ba ekipa VDL nia guarda rede.
Tan ne’e,iha minutu 19, ekipa Akádemikania jogadór Azia Bria ho kamizola numeru 27, fura kedas rede VDL ho skor 1-0.
Ho rejultadu refere ekipa VDL, esforsu makas atu fura rede Akademika nian, maibe defeza husi Akademik la fó fatin, nune’e la rejulta ruma to’o jogo primeira parte remata.
Depois de hakat ba segundu parte, iha minutu 58, ekipa Akademika fura tan rede VDL ho skor 2-0, ne’ebe rejulta husi jogadór Zonalia Perpetua ho kamizola númeru 5, nia bola ne’ebe dook no tama kedas ba ekipa VDL nia rede.
Rejultadu ekipa Akádemika nian, halo jogadór VDL nian hetok esforsu aán makas, maibe defeza lina kotuk Akádemika la fó fatin atu VDL hatama golu.
Tan ne’e, to’o jogu segundu pate remata, ekipa Akádemika lidera golu 2-0. (DTL)
About Post Author
