[Desportu Timor-Leste]-Mezmu lakon hosi jogu iha kompetisaun liga futeból feto Timor-Leste 2020 iha jornada datoluk, Akadémika nafatin haksolok.
“Ba rezultadu Jogu ami hasoru. ita bele dehan ekipa ne’ebé mak Forte entre ekipa sira hotu”, deklara Azia Bria kapitaun Akadémika hafoin ninia ekipa simu lakon 2-0 iha kampu futeból FFTL sábadu, (25/07).
Kapitaun ne’e ladún sente inferior tanba ekipa adversáriu nu’udar ekipa boot no maioria selesaun jogadór barak hola parte iha laran.
“Ami sente kontente tanba iha primeira parte entre Jogo rua 0-0” espresa kapitaun ne’e hodi haktuir maski iha Segundu parte sira falta minute balu mak simu Golu 2-0.
Situasaun seluk, bele nota iha jogu remata kapitaun SLB la dun hamnasa no hatudu iis boot hafoin jogu remata tanba gasta forsa maka’as durante jogu.
“Individual mai ha’u nu’udar kapitaun, ‘Ladún’ kontente tanba fó rezultadu 2-0,” deklara Kapitaun SLB-Laulara, Vanesa Filomena D. Fernandes hafoin ninia ekipa manan Akadémika 2-0.
Mezmu nune’e nia rekoñese golu 2-0 rezultadu hosi sira nia esforsu durante minutu 80.
Golu rua hosi SLB hamosu hosi jogadór Julia Belo iha minutu 72, golu ne’e Julia aproveita bola muta hosi guarda rede akadémika ne’ebé la konsege salva metin bola no hodi monu seidauk to rai Julia haksoit ba oin hodi hasoru nu dudu bola tama ba rede.
Golu daruak hamosu hosi Elvira Silva ne’ebé okupa ina iha area risku no hetan pasajen bola bain ba bain 1-1 dudu hosi liña sentrál to oin nune’e simu oferta hodi prodús golu daruak nian ne’e.(*)
About Post Author
