(DTL19/08/2020) – Prezidenti Atletico Ultramar Ano Gusmão hatete Ultramar sei fahe pontos hanesan kontra Ponta Leste no la rende ba ekipa ne’ebè mak hamutuk iha faze grupu B.
Tuir prezidenti Ultramar ba jornalista Desportu.XYZ katak Ultramar oras ne’e dadauk perpara hela trenamentu ba jogador sira atu kompete iha Kopa Federasaun Futebol Timor Leste FFTL.
Jogador Ultramar la duvida joga kontra As Ponta Leste, maske jogador balun nakfilak a’an ona ba klubu seluk no jogador tuan balun sei hamutuk hela ho Ultramar.
“Optimista Ultramar nian mak ne’e la rende kontra Ponta Leste no ekipa seluk ne’ebè mak hamutuk ho ami iha grupu B” optimista Ano Gusmão ba jornalista Desportu iha salaun Xanana Sport Center kuarta (19/8/2020)
Nia afirma tarzetu Atletico Ultramar nian mak ne’e tenki hakat liu grupu B hodi hakat ba 8 finais Kopa FFTL,tanbà jogador sufisenti ona atu hatudu sira nia jogu.
Iha epoka primeiru no segundu epoka Liga Futebol Amadora Ultramar hanesan ekipa forte ida ho jogador estranjeru nain tolu ida mak Cristian ne’ebè mak hamutuk ona Lalenok United no rua seluk fila ona sira nia nasaun.
Ami hatudu nafatin esperitu jogu hanesan ekipa sira seluk,maske ho jogador local Ultramar hakarak promove jogador foin sae iha jogu Kopa FFTL tinan ne’e.
Fo hanoin katak Atletic Ultramar hanesan ekipa ida forte iha Liga Amadora tanbà konsege sai susesu hodi hetan Taxa 12 Novembro iha tinan kotuk (Eugenio)
About Post Author
