Dili-udan boot iha semana kotuk halo Asosiasaun Futebol Munisipiu Covalima (AFCM) Adia Taca Sub 16 bá fulan Agostu tanba kampu sei nakonu ho be’e.
“jogu ne’e tuir loloos hala’o iha loron 27 fulan Juñu,maibé udan hahú husi loron ne’e to’o fali iha loron 2 fulan Jullu,entaun ami rasik observa kampu ne’e labele halo duni jogu tanba nakonu ho be’e”dehan prezidenti AFMC Agostu Henrique bá jornalista iha Bairu Grilos segunda ne’e.
Tuir nia katak,momentu ne’e ha’u liga kedas mai Federasaun Futebol Timor Leste (FFTL),Administradór Munisípiu no Komandante Polísia Nasionál Timor Leste (PNTL) Covalima hodi husu deskulpa bá sira ita labele halo jogu ne’e tanba natureza.
Ho natureza ne’e halo kampu be’e nalehun,entaun ami trava hela hodi hein bailoro atu nune’e ami bele husu fali autorizasaun bá FFTL katak jogu ne’e labele halo ona abertura,maibé kontinua kedas bá implementasaun jogu.
“Klube ne’ebé agora Partesipa iha jogu refere hamutuk 23 ,no jogu ne’e kuaze 75 jogus”Agostu afirma
Orsamentu ne’ebé mak FFTL apoiu bá jogu ne’e hamutuk $2,500,maibé orsamentu refere la sufseinte no ami nafatin propoin bá FFTL atu apoiu tan orsamentu balun.
Enkuantu,prezidenti AFMC mós sujere bá Sekretáriu Estadu Juventude no Desportu (SEJD) atu tau hela matan bá kampu sira iha Munisípiu hotu liu-liu Covalima atu ne’e bele siguransa bá Kompitisaun.
About Post Author
,Administradór Munisípiu no Komandante Polísia Nasionál Timor Leste (PNTL) Covalima hodi husu deskulpa bá sira ita labele halo jogu ne'e tanba natureza.){kind=link}